#عادات_بالية
نقلا عن دكتوره اسلام ، في ردهات الحروق
جاء طفل عمره دون الثالثه ، وفي يده حروق بليغة، وقديمه ولم يكن لها أن تشفى بسبب كثره اتساخه وكثره تلوث منطقه الحرق لدرجه ان رائحه الطفل أصبحت نتنه!
وعندما تم سؤال المرافقين للمريض اين الام؟ 🤔
كان الجواب إن الام لم تحضر معة إلى المستشفى،!
وعند سؤالهم لماذا تم ترك الطفل لهذه الدرجه وهو مصاب؟ ولم يتم العنايه به حتى ولو بغسله بالماء والصابون؟
كان الجواب (والله امه ملتهيه بالخبز متلحك على الطفل) !
وتزعلون عليه من اتعصب واحچي بحرگه!
ليش هيج؟
شنو ذنب هالطفل؟
تره هذا الشي ماله علاقه بالفقر …
الفقر عمره مجان وساخه وإهمال …
كلنا فتنا بأيام حصار وأهلنا يركضون حتى يجيبون الفلس بس مافد يوم صرنا (ريحه نتنه)
هاي لعد ليش هيج ديصير؟؟
لان ناس تستعبد ناس
الام ملتهيه تجيب الفلس..
والي حولها محد يمد ايد المساعدة حتى لو بالعنايه بالطفل ! حته ‘غسل’ يتعاجزون يغسلوله
الطفل ديصير ضحيه الصراعات بين البالغين …
وبسبب كثره ترديد (كلنا ربينا ومصار شي)
دتصير اشيااااء مو بس شي !
اذا هذا الطفل صار كنكري وانكصت ايده …
ميكول اني شنو ذنبي؟
ليش جيت لدنيا مابيها رحمه؟؟ 💔
اعيد واكرر …
الام وظيفتها تربي الطفل وترعاه ..
وان وكلتوا الها مهمه بشكل أو بآخر ،
أو انشغلت بشكل أو بآخر ، سدوا النقص ..
مو الكل يتملص من المسؤوليه ..
ديطلعون النا اطفال يتامى…
وأهلهم بعدهم على قيد الحياة 💔
د.اسماء اسماعيل البدري
