عيد ام سعيد
خابرتو امهاتكم اتواصلتو وياهم؟
اطفالكم هنوكم بهاليوم؟ حتى اذا ميعرفو علموهم حتى يتربون على التفكير بيكم وبتقديم هدية وان كانت شي جدا بسيط
اطفالي غالبا يسولي بطاقات او رسمات او وردة او يطلعون يجيبون شي بسيط مو المكتبة القريبة لان يعرفوني اعشق القرطاسية والاقلام
ابني فاجأني بهالرسمة كلش حبيتها حسيت اني فعلا دا اقوم بواجبي وياهم دا احسسهم بالامان
اتذكر هواية مواقف من ماما جان حبها ودفاعها وغريزة الام تظهر بيها
من جنت اقره بالسادس اعدادي بالامتحانات تبقى كاعدة للصبح حتى لا انعس واتعب اذا وحدي اكعد
تختارلي احسن الاشياء وتعوف نفسها وحسيت بمشاعرها وحبها من صرت ام وفكرت بشي واحد ! هو فعلا اكو هالكم الهائل من الحب بداخلنه لشخص معين؟ معقولة عندي هلكد حب بقلبي؟
حبو نفسكم وحبو اولادكم ولتفكرون هواية الحب فوق كل الشروط والاعتبارات ❤️
يارب لتحرم انثى من هالاحساس
د رحاب مجيد شريف
from د. سيف سمير البياتي