كلنا نتسوق مره بالاسبوع او بالاسبوعين مره
اوكي راح نطلع بس شنو نسوي ؟
اولا ما تطلع ويه المدام اذا انت اللي تتسوق
و اذا انت اللي تتسوقين ما تطلعين ويه ابو الجهال
و اذا اضطريتوا او هو يسوق فانت تنزلين و هو لا او بالعكس
المهم نقلل عدد الاشخاص اللي يرحون لمحلات التسوق
ثاني شي
اكتب كل الاشياء اللي تريدها
ام الجهال ما عندها مشكله ترجعك علمود البيكنغ باودر و لا يهمها كيرونه و لا ابو الكيرونه ( الاسم الجديد اللي اليوم سمعته عن فايروس الكورونا)
٣. اذا عندك كفوف عادي البسها
بس منظمه الصحه العالميه تكول ما يفيد
و اني هم اكولك ما تفيد
و اني ما البس كفوف
لان الفكره انه ما توصل ايدك لفمك او انفك
٤. بما انه ماكو طلعه الا لشخص واحد
اذن من البديهي انه ماكو طلعه للاطفال
لا كيان و لا يزن و لا ادم و لا حتى جود خلص
تعرفون ان الاطفال كثيري اللمس و كلشي يجي كدامهم يلمسوه فانت دا تجيب الفايروس ببيتك عن طريق طفلك
٥. اللي يلبس المناظر خليك لابسها و لا تلمسها و ابقى لابسها لما تذبها بالحمام من ترجع و اغسلها وياك
٦. وصلنا للمول او مكان التسوق
لا تنسى اكثر مكان ملوث هي يد العربه
نظف اليد باي كلينس مرطب او جل التعقيم او الكحول اذا شايل كحول وياك و المسها
٧. خلي متر بينك و بين اي شخص اخر لحمايته و لحمايتك
٨. لا تلمس الا الشي اللي تريد تاخذه مو كلشي تلمسه
تذكر ( لا لمس )
٩. كملت و الف مبروك ذب الكفوف اذا لابسها و خلي المعقم
١٠. وصلت للبيت لا تصيح احد ياخذ الاغراض وياك انت شيلهن لوحدك
١١. الحذاء ( تكرمون ) يترك خارج المنزل
١٢. الاكياس اللي اشتريتها خليها خارج المنزل
غسل و بدل و اغسل ايدك و ضم ملابسك بالغساله
١٣. فرغ الاغراض انت و ارمي الاكياس او تكدر تحتفظ بالاكياس بعد ما تضمهن بكيس واحد قديم و اترك الاكياس كم يوم
الفايروس يموت وره كم يوم
١٤. قسم الاغراض الى قسمين خضراوات فواكه / اشياء معدنيه او كارتونات
لهنا و ما كملنا
اريد اكتبلكم بوست عن تنظيف المواد اللي نتسوقها
واحده بواحده
انتظروا البوست القادم عن التنظيف
هذا هو البوست الثالث عن #النظافة_في_زمن_الكورونا
هذا هو الهاشتاك
د. سيف سمير البياتي
اخصائي طب الاطفال
