كم واحد بينا يكعد كل فتره ويه أولاده و يحجيلهم عن الحلال و الحرام ؟
كم واحد مننا يشرح لأولاده ليش هذا الفيلم مو صحيح يشوفه و لا هذا الأفلام كارتون بيه ألفاظ بذيئه ما ترهم تقال؟
منو يتكلم مع أولاده عن العيب و الصح و الخطأ و الحلال و الحرام مثل ما تحجي وياهم ع الدروس؟
كم واحد مننا يسمع لأولاده؟
كم واحد مننا عنده صبر و يسمع أولاده و كلامهم و ما يتجبر و يتكبر عليهم ؟
أهلنا شلون ربونا ؟ شلون علمونا الصح و الخطأ و الحلال و الحرام
احنا هم لازم نعلمهم على الصح و الخطأ و نتناقش باللي يشوفوه يوميا على الفيس بوك و اليوتيوب و التيك توك من اليوم مو من باجر لان باجر قريب و غمض عين فتح عين الطفل الصغير راح يكبر و يصير كبير
كل واحد بيهم عنده موبايل و كاعد وحده و الله بس يعرف على شنو يتفرج و اي شي يتفرج
الحل هو افهامهم الصح و الخطأ
الحل ان تتكلم و تتكلم و تتكلم و ما تمل من الكلام حتى لا نتركهم للموبايل و الأصدقاء يلعبون بعقولهم
الآباء خلوا مساحه بينكم و بين أولادكم و بالأخص مع الذكور
زمانهم ما يرهم بيه ابدا المنع
يس يرهم بيه الاحتواء و ان تكون صديقهم و ان تسمعهم و تفهمهم
فهم أولادك ليش فلان شي حلال
و ليش فلان شي حرام
ليش هذا صح
و هذا ليش خطأ
و اخيرا الله يعيننا و يعينكم على تربيتهم
د. سيف سمير البياتي اخصائي طب الاطفال
from د. سيف سمير البياتي