ما بيه بس اعيط على الجهال! قابل شكو و اذا عيطت عليهم شراح يصير بيهم ! حقك دكتور انت مو ام حتى تكدر تقيم شعورنا و شكد تعبونا الجهال! دكتور احنا عايشين بالعراق لازم اكو توتر و العيشه ما تكفي و لازم اعيط و اطلع قهري ! تبريرات و آلاف التبريرات لحاله الصراخ على الاطفال من قبل الأمهات و الآباء بس هل فعلا اكو مساويء للصراخ على الاطفال ؟ تعالوا نستكشف 💔 الاطفال اللي ينشاؤن ببيئه معتمده على الصراخ راح يعتمدون الصراخ وسيله تفاهم و يوصلون ارائهم لاخوانهم و اصدقائهم فيما بعد عمره ما راح يكون صوته واطي و لا يعرف يتكلم بأدب و هدوء بالعكس تشوفه يحجي بصوت عالي 💔 الاطفال يفضلون الابتعاد عن الام اللي تصرخ و تعيط لذلك تشوفها عدها مشاكل بالتواصل ويه اولادها العلاقه بين الطفل و أمه عمرها ما راح تكون مستقره 💔 ما اعرف كيف تقنعين طفل تعيطين عليه انه انت تحبيه ! يعني جديات واحظ يصرخ عليك علمود مصلحتك شون راح يفتهم ابن ٧ سنين و اقل ان كل هذا الصراخ هو لمصلحته!!!! 💔 التأثير النفسي للصراخ يستمر حتى بعد البلوغ 💔 لا تتفاجئين اذا طلع طفلك عصبي و يضرب الاطفال الاخرين اذا كان هو هذا الوضع بالبيت من صراخ و اذيه و سوء معامله 💔 كل الاطفال اللي أمهاتهم عصبيات تكون مشاعرهم مضطربه و عمرهم ما راح يكدرون يتواصلون بشكل طبيعي مع الآخرين 💔 الاطفال اللي عايشين بمنازل يسودها الجو العصبي راح يكضي طول عمره عنده احساس انه هو مهدد و عمرهم ما يكدرون يحسون بالأمان 💔 امي ابي اخي طفلك يتعلم منك يعني تكذب ابنك راح يكذب تصرخ طفلك راح يصرخ لذلك انت تحصد تربيتك و أفعالك قريبا مو بعيدا من يصرخ طفلك عليك 💔 اصعب احساس بالدنيا هو احساس عدم الأمان و الاطفال اللي عايشين ببيوت بيها أمهاتهم او ابائهم يعيطون عمرهم ما راح يحسون بالأمان و راح يخافون حتى يتنفسون حتى لا يعصبون الأم او الاب العصبي 💔 قد يتدنى تحصيل طفلك الدراسي شيئا فشيئا نتيجه القلق من الصوت العالي للامهات و الآباء 💔 صعوبه تكوين الصداقات وارده جدا لأن حياته مليانه بالاضطرابات و راح تخلي اللي حوله ينفرون منه 💔 بعض الاطفال يبدون يتبولون على نفسهم ليلا اذا ما تاذت نفسيتهم 💔لا يحترم الطفل نفسه كونه ازعج امه الحنون هذا الاحساس انت وصلتيه اله بصراخك المستمر و هنا راح ما يحترم نفسه و لا يثق بنفسه 💔 اخيرا بممارسه الغضب والعصبية راح يتحول الطفل الى شخص عصبي لا يرضى بأي شيء ولا يعجبه كائن كم يكون و هذا راح يظهر سلوكيات عصبية وغضب شديد داخل المدرسة ويصبح سلوكه مزعج في أي تجمعات د. سيف سمير البياتي اخصائي طب الاطفال

ما بيه بس اعيط على الجهال!
قابل شكو و اذا عيطت عليهم شراح يصير بيهم !
حقك دكتور انت مو ام حتى تكدر تقيم شعورنا و شكد تعبونا الجهال!
دكتور احنا عايشين بالعراق لازم اكو توتر و العيشه ما تكفي و لازم اعيط و اطلع قهري !
تبريرات و آلاف التبريرات لحاله الصراخ على الاطفال من قبل الأمهات و الآباء
بس هل فعلا اكو مساويء للصراخ على الاطفال ؟
تعالوا نستكشف
💔 الاطفال اللي ينشاؤن ببيئه معتمده على الصراخ راح يعتمدون الصراخ وسيله تفاهم
و يوصلون ارائهم لاخوانهم و اصدقائهم فيما بعد
عمره ما راح يكون صوته واطي و لا يعرف يتكلم بأدب و هدوء بالعكس تشوفه يحجي بصوت عالي
💔 الاطفال يفضلون الابتعاد عن الام اللي تصرخ و تعيط لذلك تشوفها عدها مشاكل بالتواصل ويه اولادها
العلاقه بين الطفل و أمه عمرها ما راح تكون مستقره

💔 ما اعرف كيف تقنعين طفل تعيطين عليه انه انت تحبيه !
يعني جديات واحظ يصرخ عليك علمود مصلحتك
شون راح يفتهم ابن ٧ سنين و اقل ان كل هذا الصراخ هو لمصلحته!!!!
💔 التأثير النفسي للصراخ يستمر حتى بعد البلوغ

💔 لا تتفاجئين اذا طلع طفلك عصبي و يضرب الاطفال الاخرين اذا كان هو هذا الوضع بالبيت من صراخ و اذيه و سوء معامله

💔 كل الاطفال اللي أمهاتهم عصبيات تكون مشاعرهم مضطربه و عمرهم ما راح يكدرون يتواصلون بشكل طبيعي مع الآخرين
💔 الاطفال اللي عايشين بمنازل يسودها الجو العصبي راح يكضي طول عمره عنده احساس انه هو مهدد و عمرهم ما يكدرون يحسون بالأمان
💔 امي ابي اخي طفلك يتعلم منك
يعني تكذب ابنك راح يكذب
تصرخ طفلك راح يصرخ
لذلك انت تحصد تربيتك و أفعالك قريبا مو بعيدا من يصرخ طفلك عليك
💔 اصعب احساس بالدنيا هو احساس عدم الأمان
و الاطفال اللي عايشين ببيوت بيها أمهاتهم او ابائهم يعيطون عمرهم ما راح يحسون بالأمان
و راح يخافون حتى يتنفسون حتى لا يعصبون الأم او الاب العصبي
💔 قد يتدنى تحصيل طفلك الدراسي شيئا فشيئا نتيجه القلق من الصوت العالي للامهات و الآباء
💔 صعوبه تكوين الصداقات وارده جدا لأن حياته مليانه بالاضطرابات و راح تخلي اللي حوله ينفرون منه
💔 بعض الاطفال يبدون يتبولون على نفسهم ليلا اذا ما تاذت نفسيتهم
💔لا يحترم الطفل نفسه كونه ازعج امه الحنون
هذا الاحساس انت وصلتيه اله بصراخك المستمر و هنا راح ما يحترم نفسه و لا يثق بنفسه
💔 اخيرا بممارسه الغضب والعصبية راح يتحول الطفل الى شخص عصبي لا يرضى بأي شيء ولا يعجبه كائن كم يكون و هذا راح يظهر سلوكيات عصبية وغضب شديد داخل المدرسة ويصبح سلوكه مزعج في أي تجمعات
د. سيف سمير البياتي اخصائي طب الاطفال

from د. سيف سمير البياتي

ما بيه بس اعيط على الجهال! قابل شكو و اذا عيطت عليهم شراح يصير بيهم ! حقك دكتور انت مو ام حتى تكدر تقيم شعورنا و شكد تعبونا الجهال! دكتور احنا عايشين بالعراق لا…