#مسحّة_كورونا
١-#شنو يعني مسحة؟
هي طريقة اخذ مسحه عن طريق الانف من اجل ارسالها الى مختبر خاص حتى نشوف الفايروس موجود لو لا.
٢-#دكتور، اذا طلعت المسحّة سالبّة ( negative)شنو واذا موجبّة (positive )شنو؟
اذا موجب يعني الشخص مصاب بالفايروس واذا نكتف يعني ( #قد_يكون_غير_مصاب)
٣- #اهم_سؤال:اذا المسحة سالبّة، هل يعني المريض غير مصاب ويأمن وينام رغدْ؟
الجواب : لا، ممكن تطلع النتيجة سالبّة ولكن المريض مصاب!
٤- زين ليش هيج؟ هو مصاب وتطلع سالبّة؟ شنو السبب؟
مرات مريض مصاب بكورونا وتكون المسحة نكتف اعتمادة على عدّة عوامل منها:
-مرات المسحة غير دقيقة( يعني الي ماخذ المسحة ماضبط الطريقة)
– كمية الفايروس قليلة بحيث ماتكدر المسحة تحصله
– دقّة الفحص: هذا اهم موضوع.. شلون؟؟؟؟
#يعني_مثل_اي_فحص بي نسبة دقة ( false positve and false negative)
بالنسبة لفحص كورونا بي نسبة false negative عالية ( يعني سالب خاطيء). بمعنى اخرر… اكو نسبة معينة تطلع سالبّة بس همه مرضّة( مصابين)… #أهم_نقطة_هاي لازم الواحد يفتهمه..
اول يوم للملامسة تكون النتيجة ١٠٠٪ سالب خاطئ( يعني لاتسوي فحص بالبداية)
احسن فترة واحد يسوي بيهه المسحة للشخص المشتبه هي بين يوم بين اول يوم للاعراض والافضل ٤ ايام بعد ظهور الاعراض ( تكون ٢٠٪ سالب خاطيء)
فكرة الموضوع: #مو_كل_نتيجة_سالبّة_يعني_مابي_كورونا
5- اذا هيج النتيجة ممكن سالبة والمريض مصاب… شلون ممكن اعرف روحي مصاب لعد؟🤔
هنا يجي دور الطبيب، اعتمادا على الاعراض وممكن فحوص دم ساندّة و #المفراس وتاريخ ملامسة وية شخص مصاب او طبيعة عملك او مكان عملك او….
حفظكم الله وعافاكم
د. عمر احمد محمود الحوري
رابط البوست
