د. سلمان داودمكتبة مقالات عربية عن صحة الطفل والأسرة

القدوة اليومية في الهدوء والصدق واحترام الآخرين

من اسهل طرق التربيه و حتى اسهل طرق الحياة هي انه تكون مثال
Set a model
يعني مثلا :
❤ الام اللي تكون هادئه و ما تعلي صوتها
شي طبيعي انه البنت او الابن يكونون هادئين
بس اذا انت صوتك و صوت زوجك اعلى من صوت الجامع
الطفل راح يكون هاديء؟
❤ تريد طفلك يصلي ؟
خل يشوفك تصلي
تريد طفلك يقرا
خلي يشوفك تقرا يا عيني حتى لو جريده
❤ من تدخل يا اب يا محترم سلم عليهم و علمهم على السلام و احضنهم هيجي يتعلمون على السلام و انه من يدخلون على بيت يسلمون

❤ الهدوء اللي يسود علاقتكم كزوجين اكيد راح يخلي اطفالكم هادئيين و اكيد من تنعكس العلاقه بينكم و تصير حرب و نار طفلك ما راح يتعلم الهدوء
❤ من تسالهم شنو ياكلون و شنو يشربون و شنو يحبون تجيبلهم بضوابط معينه بعيده عن السكريات هم راح يتعلمون منك احترام الاراء و راح يحترمون رايك
❤ لا تكذب و راح يصير ابنك صادق
و لا تخل بعهد و راح يكون ابنك وفي
❤ البيت النظيف المرتب راح يخرج اطفال نظيفين مرتبين محافظين على النظافه
❤ الاولاد من امهم تهتم بيهم و بنظافتهم من الطبيعي انه يكونون اولادهم نظيفين و مرتبين من يكبرون
💖 مختصر مفيد ” كن لطفلك قدوه طفلك راح يكون قدوه للناس ”
د. سيف سمير البياتي اخصائي طب الاطفال

إعلان