من زمن و اني اشوف كثر استهلاك للحليب باعمار فوق السنه
بس اكو عوائل دا توصل حد الافراط بيه
شون طفل يشرب ٤ باكيتات حليب !!!
و يكملوها بباكيت عصير او باكيتين !!!!
و بعدين يكولون ما ياكل
او مناعته ضعيفه
او عنده امساك
طبعا و اكيد مناعته ضعيفه
و اكيد عنده امساك
الحليب اللي المفروض اللي ياخذه الطفل بعمر اكثر من سنتين هو حصتين من:
اما ربع لتر حليب اللي هو الباكيت الكبير ال ٢٥٠ مل او ٢٠٠ سيسي لبن اللي يعادل كوب واحد كانون او ٤٠ غرام من الجبن اللي يعادل ٢ قطعه جبن كيري
حتى ترتب اكل طفلك اوصيك بالتالي
باكيت حليب واحد = ٢٥٠ مل مع
كاسه لبن صغيره
او جبن بحوالي ٤٠ غرام
ما يحب وحده منهم بدلهم بالاخرى
ما انكر اكو اطفال اكلهم جيد جدا و يشربون حليب اكثر من باكيتين و ما ماثر عليهم فهذوله نكولهم بالعافيه و الف عافيه
اما اذا اكل طفلك قليل و تناوله للحليب مفرط و اكثر من باكيتين حليب فقللي قللي قللي
اخر شي ادعم مقالي بدراسه
تكول انه شرب الحليب بكميه اكبر من ٢ كوب حليب صحيح يعطي نسبه فيتامين دي جيده بس بالمقابل ينطي فقر دم اكثر
اما العصير فاني من اكبر المعادين لاستخدامه بهذه الصيغه المفرطه
و اذكر انه العصير ممنوع تحت عمر سنه
و بعد السنه كلما اقل كلما احسن
و يا ريت لو بالاسبوع مره
اني ببيتي العصير بالشهر مره فقط
و صباحكم صحه
هذا البوست لاعمار فوق سنتين
د. سيف سمير البياتي
اخصائي طب الاطفال
