موسم الإسهال شكله ما يغادرنا هالمره
كم معلومه عن الإسهال وعلاجه
💟 مو كل اسهال علاجه الفلاجيل
💛اهم عرض جانبي للفلاجيل هي الإسهال اي نعم ممكن اصلا الفلاجيل يسوي اسهال
المعلومه اللي راح تصدم اغلب اللي يقرون البوست
❤ اغلب حالات الإسهال تطول من ٣ إلى ٥ يوم و تروح
❤اهم شي بالأسهال السوائل و الإرواء الفموي
❤ ماكو شي اسمه ما انطي رضاعه او ما انطي ارواء لان بطنه تطلع انطي انطي و ظلي انطي
لسه اتذكر مريض كان عنده جفاف شديد و من قوه الجفاف كانيولا ما ترهمله خليتله صونده معده و ادفعله ارواء فموي و شويه شويه تحسن و الحمد لله
💟 جماعه مشتم و كارف و قنفذ شويه هذا الكلام مال متخلفين عيب تكولوه تره الزمن عافكم و راح بعييييد
احنا الان بسنة 2022
💜 جماعه السكوه فمئواكم جهنم لابثين فيها على قتل اطفال بلدي
السكوه كومه تقتل
السكوه هي مجموعه أعشاب توصف من قبل بعض الجدات كعلاج للطفل المشتم ( شمشتم؟ ما ادري ؟!!)
💛 اذا الطفل كبير و اقصد اكبر من سنه قللي الحليب و مشتقاته اي نعم قللوا الحليب و مشتقاته لان تزيد الإسهال
هذا يشمل الكبار
اكيد اللي يعتمد على الحليب من الرضع انطوا حليب محد يكول لا
💓 ركزوا على ال brat اللي هو موز و توست ابيض و تفاح و الرز … الرز رهيب للاسهال و كذلك التفاح و البطاطا جيده جدا للاسهال
💜 لا للمحتوى العالي من السكر و الدهون يعني اكيد لا للعصير الصناعي
💛 فدوه لعينكم السفن كلش يزيد الإسهال لان كميه شكر كبيره و بالتالي كميه فقدان سوائل أكثر و جفاف أكثر
💛 الماء و الرضاعه و محلول الإرواء الفموي هي سر نجاه طفلك
❤
💜 لا تسأل اي احد اذا كان الإسهال أكثر من المعتاد فقط كل اللي مراجعه الطبيب لان اكيد محد يكدر يقدر كميه الجفاف من بوست فيس بوك
❤ الرضاعه الطبيعيه حمايه من الإسهال لذلك استمري بالرضاعه الطبيعيه
💛 البرتقال جيد جدا للامساك و مسهل طبيعي فامنعوه في حالات الإسهال
💛 القيء لا يمنع الإرواء الفموي أبدا لو بملعقه شاي تنطي ارواء فموي او ماء ممكن تنقذ حياته لطفلك
د. سيف سمير البياتي
اخصائي طب الأطفال
from د. سيف سمير البياتي