نصائح للي يعانون من ارتجاع المريء (الحموضة، حرقة المعدة)
1️⃣ بدال ٣ وجبات كبيرة باليوم خلي وجباتك ٥ – ٦ وجبات صغيرة باليوم.
2️⃣ من تاكل، لا تتمدد أو تنام لمدة ساعة ورا الاكل، خليك قاعد أو تحرك.
3️⃣ قبل النوم ب ٤ ساعات لا تأكل اي شي و لا تشرب اي شي ما عدا المي.
4️⃣ وقت النوم خلي مكان راسك أعلى من باقي الجسم، شلون؟
يا اما حط طابوقة جوا السرير من طرف الرأس وهو الافضل، اذا ما تقدر خلي مخدة إضافية تحت الرأس والعنق .
5️⃣ قلل المشروبات البيها كافايين مثل الجاي والقهوة والمشروبات الغازية إلى أقل من كوبين باليوم.
6️⃣ لا تشرب مشروبات الطاقة باي شكل.
7️⃣ وقف التدخين.
8️⃣ قلل المشروبات الكحولية واذا قدرت تقطعها بعد احسن.
9️⃣ بدل الاكل المقلي اكل شغلات مسلوقة.
1️⃣0️⃣ قلل من ألاكلات الي تزيد الحموضة مثل البصل والثوم والاجبان وصلصات الطماطة.
1️⃣1️⃣ مضغ العلكة يقلل من الحموضة.
كل شقد يصير عندكم حرقة المعدة ؟
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
الدكتور سوران حسن زنگنه
Instagram.com/DrSoranHassanZangana2
https://vm.tiktok.com/ZSJLnpnk9/
from د. سيف سمير البياتي