#نمو_رعاية
#فطام
شوكت ابدي انطي أكل لطفلي؟
السؤال الأكثر ترددا لكل الأمهات
منظمه الصحه العالميه تنصح بأن لا شيء عدا الحليب يدخل للطفل إلا بعد ال 6 اشهر الأولى و هاي النصيحه طبعا لخاطر أفريقيا و المجاعة اللي عدهم
بس بالفعلي نكدر ندخل الاكل من عمر 4 اشهر إلى 6 اشهر على شرط و ركزوا على شرط انه الطفل مستعد لهذا الشي
شنو الأشياء اللي تكول ابني مستعد :
1. تضاعف وزن الولاده يعني أبو 3 كيلوات صار 6 كيلوات
و أبو 3.5 كيلو صار 7 كيلوات
2. يبدي يسيطر على رأسه يعني من يكعد بحضنك رأسه مو يدنج و إنما يرفعه و مسيطر
بنفس العمر معناها من تنوميه على بطنه يرفع رأسه و يرفع صدره باستخدام ذراعه
3. يبدي يخلي الأشياء بحلكه
4. يبدي يفتح حلكه من تجيبين الخاشوكه يم حلكه و ما يطلع لسانه بره
.
.
.المقطع الثاني هو بشنو نبدي
أكثر الأطباء الأمريكان يفضلون الرز و اللي هو اكيد السيريلاك و الفوح و لا تخلين لا ملح و لا شكر
و من بعده الشوفان و آخر شي الحنطه
بعدها بأسبوع ابدي دخلي خضروات و أشياء جديده كل 3 إلى 4 ايام حتى تعرفين الحساسيه
#ملاحظه لا تضيفين شي جديد من ابنك مريض
شكرا الكم
