هو صدك البيبسي وبقية المشروبات الغازية تؤثر على التركيز !
قد يبدو العنوان مجرد تشويق لا اكثر
لكن هل العنوان حقيقي
صدك المشروبات الغازيه تاثر على التركيز و الانتباه ؟
وحده من الدراسات الامريكيه على الاطفال بعمر ٥ سنوات شملت ٢٩٢٩ طفل
شافوا انه الاطفال اللي يشربون مشروبات غازيه عدهم مشاكل سلوكيه اكثر من الاطفال الاخرين اللي ما يشربون مشروبات غازيه
مو بس هاي شافوا انه اللي يتناولون اكثر من المشروبات الغازيه عدهم مشاكل بالاستيعاب اكثر !!!
السبب مو واضح
قسم يكولون لان الاسبارتام و الكافيين اللي موجود ممكن يؤثر على الاطفال و نموهم و استيعابهم
هذه دراسه وحده بالاطفال اللي اعمارهم ٥ سنوات
نجي لمراهقينا الاعزاء
دراسه اخرى شملت المراهقين
لكوا وجود رابط بين تناول المشروبات الغازيه و زياده نسبه الكابه او العدوانيه او شعور بعدم الامل و حتى رغبه بالانتحار
لذلك اذا تحس ان طفلك مشتت او فاقد الامل او كئيب او عدائي و هو يشرب هذه المشروبات الغازيه
حان الان وقت سحبهن من طفلك و لاحظ الفرق
ملاحظه اخيره
يا امهاتنا يا اباؤنا مشروبات الطاقه ممنوعه منعا باتا لاعمار تحت ١٨ سنه لان تنطيهم جرعه عاليه جدا من الكافيين غير مستعدين لتلقيها
د. سيف سمير البياتي اخصائي طب الاطفال
روابط البحوث بالتعليقات
