و لاني طبيب اطفال فاحب احجيلكم ان الجهال اشتكولي و كالولي اوصللكم فد رساله !
الرساله تكول ( النظافه من الإيمان و غسل الطفل ضروره مو رفاهيه )
و بالجو البارد و بازمه البرد الكثير من الأمهات ما يغسلون لاطفالهم بحجه البرد و قسم يحلفون باقصى إيمانهم انه بس اغسللهم يتمرضون
تعالوا نسولف شنو نسوي حتى ما يتمرضون
بس تعالوا نسولف ليش الغسل للطفل ضروري
1. جلد الشعر كائن حي و شعره جدا حي لذلك يحتاج لان يتنفس و يرعى بالغسل و النظافه
2. رائحه الطفل راح تكون غير مستساغه و راح تطلع على راسه كائنات حيه لطيفه
3. طفح الحفاظات اللي حاليا منتشر هو بسبب قله الغسل
❤ زين انطيني حل شاسوي ؟
بالأخص اني عندي مريض تحسس
شاسوي ؟
🌺 الغسل مرتان أسبوعيا على الاقل
🌺 الغسل يكون وقت الظهر و نختار يوم حار
🌺 ندفي الحمام قبل الغسل و نغير ملابسه داخل الحمام
🌺 اذا الطفل عنده اكزيما نرطبه باي مرهم مرطب قبل ما نلبسه
🌺 ماكو داعي لحركات الدب القطبي قطعتين او ٣ بالزايد بالأخص اذا طفلك عنده تحسس بلا فرو او صوف
🌺 نمشط شعرهم داخل الحمام و نفتح باب الحمام و نهويه تدريجيا و ما نصدم الطفل
🌺 اذا الطفل أكبر من سنه نشربه مشروب دافي أول ما يطلع من الحمام
🌺 الأطفال اللي عدهم تحسس و ياخذون فنتولين بخاخ اليدوي ممكن بخه اضافيه بعد الحمام و بس
د. سيف سمير البياتي اخصائي طب الاطفال
from د. سيف سمير البياتي