يدخل الأطفال المدرسه بعمر ٦ سنين
و يدخلون الروضه بعمر ٥ سنين
بس الأطفال يختلفون واحد عن الآخر بموعد المشي و الحجي و الكعده و كلشي !
فمنو يكول الطفل مستعد للمدرسه
حسب الأكاديميه الامريكيه لطب الأطفال
حتى يكون طفلك مستعد للمدرسه لازم يكون
١. يلعب مع الأطفال الآخرين بالقليل جدا من المشاكل و البجي
٢. يسمعك جيدا من تحجين قصه او مغامره
٣. يستخدم التواليت وحده
٤. يعرف يفتح الدكم و يسدها و يفتح و يسد السحابات
٥. يعرف و يكول اسمه و عنوانه و رقم تلفون أحد من اهله
فعلموهم هذه الأشياء قبل الخمسه سنين
ماكو اي داعي لتأخير الدراسه لان شافوا كلما يتمرنون و يدرسون ابكر يكون مستوى ذكائهم أكثر
أتعجب من امهات تنطي مقويات و ما اعرف ايش بفتره الدراسه و ما تهتم لاكله و نومه و نفسيته و حتى صحته
فقر الدم الناتج عن نقص الحديد عامل مهم لأداء الطفل المدرسي و راح اخليلكم الدراسه بصوره و انه جدا ياثر على الطفل
فاهتموا بيهم باكلهم بنومهم بصحتهم بلعبهم
لازم واحد يعلمهم مبكرا
و اقرولهم من اول يوم
خليتلكم سكرين لمقاله الأكاديميه الامريكيه لطب الأطفال تكول اقروا لاطفالكم من الولاده بالتعليقات
القراءه للاطفال تعزز مستواهم الدراسي و تقوي الاواصر بينكم
د. سيف سمير البياتي
اخصائي طب الأطفال
from د. سيف سمير البياتي