١٠ أشياء توقعيها باول ايام بعد الولاده و لازم تعرفيها ١. شكل الطفل راح يكون لطيف ممكن شويه ما حلو راسه مجعمر بالأخص اذا ولاده طبيعيه و جسمه مغطى بشعر ناعم كله لا تقلقين كم يوم و يصير حلو لان ماكو طفل ما حلو ٢. لا تتوقعين راح يجاوبك و يضحكلك و يناغيلك ياخذ الموضوع ٤ إلى ٦ اسابيع تره ٣. لا تسبحيه كاملا و إنما حمام بسيط لأجزاء جسمه و راسه لحد ما يوكع الحبل السري وراها بعد هاهيه ٤. البقعه الرخوه اللي براسه شي طبيعي و نسميها اليافوخ و لا بأس اذا طخيتيها او مشطتي الشعر اللي بيها اذا شعره طويل ٥. لا تخافين و لا تقلقين من الجوع راح يكولك من يجوع شويه شويه معدته تكبر و عادي اذا يكعد يرضع كل ٢ إلى ٣ ساعه بس لا تنسين بأول اسبوعين لازم تكعديه كل ٤ ساعات ٦. شويه جلدهم يكون خشن طبعا اول يوم يكون ناعم وراها يخشن ٧. عيشي حياتك طبيعي اطلعي و احتفلي ووتعرضي الشمس و داومي اذا مضطره القادم الجديد لا يعني أبدا انه تقفلين حياتك و هاهيه ٨. راح يبجي طفلك هوايه و شويه شويه يزيد للاسبوع السادس او الثامن وراها يبدي يقل عادي يبجي لان ما يعرف يحجي !!! جديات الأطفال ما عدهم وسيله تواصل عدا البجي اطمئني ٩. الأطفال ينامون هوايه و هوايه جدا بس لفترات بين ساعتين إلى ٣ و يكعدون يرضعون و يرجعون ينامون بين قوسين اكل و نوم ١٠. و اخيرا هاي رساله مني الك تحسين نفسك مرهقه و متعبه اطمئني هذا الوقت سيمضي بسرعه و تشوفيه يكبر كدام عينك بس استمري برعايتك الصحيحه بلا خرافات و بلا خزعبلات و اسمعي التدخلات و لا تنفذين طفلك انت مو طفل غيرك تحياتي الكم د. سيف سمير البياتي اخصائي طب الاطفال

١٠ أشياء توقعيها باول ايام بعد الولاده و لازم تعرفيها
١. شكل الطفل راح يكون لطيف ممكن شويه ما حلو راسه مجعمر بالأخص اذا ولاده طبيعيه و جسمه مغطى بشعر ناعم كله لا تقلقين كم يوم و يصير حلو لان ماكو طفل ما حلو
٢. لا تتوقعين راح يجاوبك و يضحكلك و يناغيلك ياخذ الموضوع ٤ إلى ٦ اسابيع تره
٣. لا تسبحيه كاملا و إنما حمام بسيط لأجزاء جسمه و راسه
لحد ما يوكع الحبل السري وراها بعد هاهيه
٤. البقعه الرخوه اللي براسه شي طبيعي و نسميها اليافوخ و لا بأس اذا طخيتيها او مشطتي الشعر اللي بيها اذا شعره طويل
٥. لا تخافين و لا تقلقين من الجوع راح يكولك من يجوع شويه شويه معدته تكبر و عادي اذا يكعد يرضع كل ٢ إلى ٣ ساعه بس لا تنسين بأول اسبوعين لازم تكعديه كل ٤ ساعات
٦. شويه جلدهم يكون خشن طبعا اول يوم يكون ناعم وراها يخشن
٧. عيشي حياتك طبيعي اطلعي و احتفلي ووتعرضي الشمس و داومي اذا مضطره
القادم الجديد لا يعني أبدا انه تقفلين حياتك و هاهيه
٨. راح يبجي طفلك هوايه و شويه شويه يزيد للاسبوع السادس او الثامن وراها يبدي يقل
عادي يبجي لان ما يعرف يحجي !!!
جديات الأطفال ما عدهم وسيله تواصل عدا البجي اطمئني
٩. الأطفال ينامون هوايه و هوايه جدا بس لفترات بين ساعتين إلى ٣ و يكعدون يرضعون و يرجعون ينامون
بين قوسين اكل و نوم
١٠. و اخيرا هاي رساله مني الك
تحسين نفسك مرهقه و متعبه
اطمئني هذا الوقت سيمضي بسرعه
و تشوفيه يكبر كدام عينك
بس استمري برعايتك الصحيحه بلا خرافات
و بلا خزعبلات و اسمعي التدخلات و لا تنفذين
طفلك انت مو طفل غيرك
تحياتي الكم
د. سيف سمير البياتي اخصائي طب الاطفال

١٠ أشياء توقعيها باول ايام بعد الولاده و لازم تعرفيها ١. شكل الطفل راح يكون لطيف ممكن شويه ما حلو راسه مجعمر بالأخص اذا ولاده طبيعيه و جسمه مغطى بشعر ناعم كله ل…