🌹مسحة عنق الرحم 🌹
Pap smear
شنو هو؟
الباب سمير هي اجراء دوري المفروض يتسوى لكل امراة متزوجة .
ليش نسوي؟؟؟؟؟؟
اذا سوينا باب سمير واكتشفنا خلايا مو سليمة وعالجناها نمنع سرطان عنق الرحم نمنع مو نقلل نمنع 👌🏻
شلون يتم الاجراء؟
يتم بعيادة الطبيبة النسائية حاله حال الفحص العادي ونستعمل الاداة الي دتشوفوها وندز التحليل للمختبر وبعد كم يوم تستلم المريضة النتيجة 🌹
يحتاجله تحضيرات؟
لا ميحتاج شي بس تكون المريضة مو خلال فترة الدورة الشهرية او دتاخذ مضادات حيويه
افضل وقت؟
بعد الدورة الشهرية يعني بالعشره الوسط
تكاليف؟
حسب المختبرات والعيادات يتراوح بين ٥٠ الى ٢٥٠ الف دينار بس متوفر باغلب المستشفيات الحكوميه ومابي اي فرق اي فرق مابي من الي بالعيادات الخارجية بالعكس اكو مكانات حكومية التقرير مال الباب سمير يخبل وبايد احسن الناس 😊
كل شكد اسوي الباب سمير؟
حسب عمرج عزيزتي
٢٠سنة _٢٩ سنة كل سنتين
٣٠سنة_٤٩سنة كل ٣ سنوات
٥٠سنة_٦٥سنة كل ٥ سنوات
اضافة بعد 👌🏻
المريضة الي تخليلها بي شي يعني مو طبيعي مو معناها بيها سرطان عنق الرحم لا معناها عدها درجة من الخلايا الغير سليمة قد تكون التهاب قد تكون شي اخر بس مو شرط سوطان وهذي اذا تعالجت بكوي او استئصل للجزء الغير سليم تنتهي المشكلة افضل من اهمال الامور ووصولها مراحل متقدمة فقط بسبب اهمال مثل هيج فحص بسيط
وترجع بعد العلاج تكمل الجدول مال الفحوصات حسب عمرها😘😊
سلامتكم اهم من كلشي
🌹🌹🌹
د رحاب مجيد
https://www.facebook.com/Dr.Rihabmajeed
from د. سيف سمير البياتي