13 فعاليه ابدي سويها اول ما يوصل طفلك عمر السنه الى عمر السنتين
هذا اكثر عمر يتعلم بيه
هذا العمر اللي يتعلم بيه اكثر مما تتصور
يتعلم بيه كل شيء
كل شيء
ما يرادله هالعمر اي شي خاص
و لا اجهزه و لا اي شي مكلف
يحتاجون الى بعض النقاط نكتبها بهذا البوست
بس قبل ما نبدي لا ننسى انه الاطفال يختلفون ممكن بعمر سنه و شهر يعرف اللي راح يجي بالبوست ووممكن بعمر سنتين يلا
فخلينا نشوف شنو مطلوب مننا نعلمهم بعمر السنه الى سنتين
1. علم الكلمات الجديده
السنه الثانيه من العمر هي سنه انطلاق اللغه
ابدي علمه الكلمات
مثلا
-اسماء اجزاء الجسم
و اسئله وين عيونك وين انفك وين خدودك
– اصوات الحيوانات و اسمائها
لعبه ممتعه و يحبوها
– اكيد اسمهم
و تاكد انه يعرف اسمه
لا ننسى انه الطفل بعمر ٥ الى ٦ اشهر يعرف اسمه
– اسماء الاقارب و الاجداد
اخذ البوم الصور و علمه
– الاداب العامه
مثل شكرا / مرحبا / سلام
– السيارات و المدرسه و الشجره
– الاشياء اللي يستخدمها بحياته اليوميه
مثل الملعقه و الصحن و الخبز
– الالوان
و لا ننسى التكرار التكرار التكرار
كلما تكرر اكثر كلما يتعلم اكثر
2. قراءه الكتب
من اكثر الاشياء اللي تحفز اطفال السنه الاولى على التعلم هي الكتب
مو اكيد تقرا الكلمات كلمه كلمه
بس سوي قصه من الصور اللي بالكتاب اللي امامك
3. اوصف اللي كاعد يسويه !!
يعني اوصف شنو اللي دا يسويه و بالالوان
يعني مثلا انت دا ترمي الطوبه الحمره
او انت دا تشرب مي بالكوب الاخضر
انت كاعد تمشي بخطوات ثابته
4. علمهم الاستقلاليه
بالاكل بالشرب بكل شيء
علموهم على طعام الاصابع بحيث ياكلون وحدهم
او يفرشون اسنانهم بنهايه السنه الاولى
علمهم يمشون مثلا و انطيه فلوس خليه يشتري
علمه مثلا كيف يصعد السلم
الملابس مثلا كيف يخلع جواربه
خليه يفتح الدولاب و يتعلم
5. علمه اللعب التخيلي
مثلا دا يشرب شاي او لعبه الطبيب
شون يوكل اللعابه
او شون يسوق سياره
6. الحزورات طريقه رائعه للتعليم تعلمه على الالوان و الاحجام
7. الاغاني دائما تعلم
بس اختار الاغاني المفيده
مثل
Five little monkeys
Old MacDonald
Head shoulders, knees and toes
و غيرها
بيها محتوى تعليمي
مو اغاني الطرب اللي ما بيها اي محتوى تعليمي و مجرد صوت
8. التلوين
شكد اكو اطفال يحبون يرسمون
تحيه من القلب لاهلهم اللي معلميهم هذا الفن الراقي
التلوين يعلم الطفل مسكه القلم و الالوان
9. علم الالوان
تعليم الالوان مهم خلال السنه الثانيه من عمر الطفل
ليش؟
لان كلشي يمسكه الطفل بيه لون
٤ و ٥ سنوات
و الطفل ما يعرف شنو الالوان !!!
الطفل يعرف يميز الالوان بعمر ١٨ شهر عادي
10. الاطفال يحبون الموسيقى
علمهم يسوون الاصوات
مو الا تشتري طبل
بطل مي و خلي بيه حجاره صغيره يصير يصدر صوت كافي
عندك امكانيه عادي اخذله جهاز يصدر اصوات بعد الضغط عليها
ما اريد و لا اشجع على الضوضاء
و الالعاب اللي تصدر صوت و ضوضاء عالي لان ما سوينا شي و ماكو فرق بينها و بين التلفزيون
11. الطلعه خارج المنزل جدا مفيده
بس ما راح تصير مفيده اذا بيده التلفون
اذا بيده التلفون خليك بالبيت احسن
و علم بالطريق
يعني هذه شجره
هذه سياره
هذا رجل المرور
احنا نلتزم بالاشاره مال مرور
و هكذا
12. المكعبات
من اقدم الطرق اللي تعلم الطفل على التعلم هي المكعبات
علمه يسوي برج
و راقب كم طابق يسوي
المكعبات تعلم على الحجم و الشكل و اللون
13. العب ويه طفلك
ذب موبايلك و العب ويه طفلك
٢٠ دقيقه يوميا
اني و انتوا مذنبين بعدم اعطائهم الوقت للعب معاهم
د. سيف سمير البياتي
اخصائي طب الاطفال
from د. سيف سمير البياتي