علي كان عمره ٧ اشهر
علي امه انطته بيض
علي رفض البيض
الام بعد ما انطته بيض ابد
كبر علي و صار عمره سنه
علي ليش ما تاكل بيض؟
ام علي تجاوب ما يحبه
و سكت الولد و اقتنع انه هو ما يحب البيض اللي هو ما يعرفه شنو
ام علي غلطانه مثل ما هوايه امهات تخطا
ام علي انطت اول وجبه سيريلاك و الطفل تعود على كلشي حلو و بعدها خلته ياكل فواكه و نست الخضراوات و انطته عصير و نست الفواكه كامله
ما نعرف اسبابها
ممكن ما تعرف؟
تتعاجز؟
تتكاسل ؟
ما يخصنا
تعالوا نصححلها
الاكل نبدي بيه بالاطعم المعتدله مثل رز او شوفان
وراها ننطي خضراوات و بعدين ننطي فواكه و اخر شي الاكل الجاهز المليء بالسكر
العصير سيء طبيعي و صناعي لان فقير بالالياف و يشبع الطفل بلا محتوى غذائي مهم
نعلم الطفل على الاستكشاف
و اهمهن كلهن ما حب الاكله مره
تجرب غير مره
و تكرر عشرين مره
حتى توصل لقرار انه طفلها فعلا ما يحب فلان اكله
و بس
اي بس
تسكت
ما تحجي ابدا عن الموضوع كدامه
و ما تكول ابدا انه طفلها ما ياكل او يكره فلان اكله و لا تسولف بالموضوع حتى ويه نفسها
فالطفل انعكاس لنفسيتها
و كلما اجبرتيه و كلما ضغطتي عليه
طفلك راح يعاند اكثر
د. سيف سمير البياتي اخصائي طب الاطفال
from د. سيف سمير البياتي