مثل ما وعدتكم اليوم نحجي بالشغلات المهمة بعلاج خمول الغدة الدرقية:
1️⃣ مرض خمول الغدة الدرقية ممكن السيطرة عليه عن طريق تناول دواء الثايروكسين يوميا و بصورة مستمرة تحت اشراف الطبيب المعالج.
2️⃣ معظم المصابين بمرض خمول الغدة الدرقية يحتاجون يستخدمون دواء الثايروكسين مدى الحياة.
3️⃣ في علاج خمول الغدة الدرقية الهدف هو ارجاع مستويات الهورمونات الى مستواها الطبيعي و كذلك تقليل الاعراض.
4️⃣ دواء الثايروكسين لازم ناخذه على معدة فارغة، فاحسن وكت هو ساعة قبل الفطور او 3 ساعات ورا اخر وجبة اكل بالليل.
5️⃣ بأغلب الحالات أعراض خمول الغدة الدرقية تبدي تتحسن خلال اسبوعين من بدء علاج الثايروكسين، لكن هناك بعض الحالات ممكن تحتاح عدة اشهر يلا تبدي تتحسن.
6️⃣ ميصير باي شكل توقف او تغير جرعة دواء الثايروكسين بمرضى خمول الغدة الدرقية دون استشارة طبيبك المعالج.
7️⃣ في الحالات التالية قد يقوم الطبيب بزيادة جرعة دواءخمول الغدة الدرقية:
💊عدم رجوع هورمونات الغدة الدرقية إلى نسبها
الطبيعية في الجسم.
💊 في فترة الحمل🤰.
💊 وجود إحدى أمراض الجهاز الهضمي التي تؤدي إلى عدم امتصاص الدواء.
💊 زيادة وزن المريض.
8️⃣ هذه الأطعمة و المشروبات و الأدوية تقلل من إمتصاص دواء خمول الغدة الدرقية ولذلك ينصح بعدم تناولها الا بعد مرور ٤-٦ ساعات من تناول دواء خمول الغدة الدرقية:
🥗🥗 الأطعمة والمشروبات:
فول الصويا
البابايا
الكريب فروت
القهوة
💊💊 الأدوية:
مضادات الحموضة
كوليستايرامين
كولسيفيلام
حبوب فقر الدم الناتج عن الحديد
رابطات الفوسفات
سوكرالفات
أدوية المعدة مثل الاوميبرازول، اللانسوبرازول،… الخ
هاي المعلومات لازم توصل لكل شخص عنده خمول الغدة الدرقية، فهمتكم بمشاركتك وياهم.
شنو المواضيع المتعلقة باختصاصي تحبون احجيلكم عنها ؟
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
from د. سيف سمير البياتي