الوساده
هل يحتاج الطفل للوساده؟
ممكن من اي عمر اخلي الوساده؟
اكو مخدات جديده بيها مثل الحفر على اساس تمنع تسطح الراس شنو رايك بيها ؟
المخده عراقيا او الوساده عربيا او baby pillow
من ضمن تجهيزات العائله العراقيه للطفل المولود حديثا
فهل هي مهمه ؟
الجواب لا
المخده تحت عمر سنه ما يحتاجها الطفل و اكو توصيه عالميه من ال NHS و الاكاديميه الامريكيه لطب الأطفال و غيرها من المنظمات اللي تخاف على الاطفال و تهتم بصحتهم منعتها
طيب ليش منعتها؟
شافوا انه بوجود الوساده نسبه الوفيات الناتجه عن موت الفجاءه عند الرضع تزداد
💢 علميا نسبه الوفاه نتيجه متلازمه موت المهد تزداد 50 بالميه بوجود الوساده
💢 مخده جديده ظهرت للاسواق تكون محفوره على اساس انه مفيده حتى لا يتسطح راس الطفل و تمنعه شنو رايك بيها ؟
نكول انه حتى هذه الوسادات بأحدث تقرير نشر على لجنه السلامه و الصحة المهنية حول هذه النوعيه من الوسادات ربطتها بحدوث ٧ وفيات للاطفال الرضع
لذلك الاكاديميه الامريكيه ذكرت و كالت انه ما تنصح باي نوع من المخدات تحت رأس الطفل
💢 زين لعد شون مو راس الطفل يبقى عدل ؟
راس الطفل يبقى عدل مؤقتا و بعدين يستعدل بمرور الايام و الاسابيع و لا يصير بيه شي لا سمح الله
💢 مو خلينا و ما صار شي ؟
اكيد لا جواب
حفظكم الله و أولادكم
د. سيف سمير البياتي اخصائي طب الاطفال
from د. سيف سمير البياتي