عيد الهالوين
عيد الهالوين بغض النظر عن معناه الديني هو عيد احتفالي للاطفال يلبسون بيه ملابس تنكريه مخيفه او لطيفه على حسب ذوقهم و ذوق اهلهم طبعا
الهالوين يصير بأخر يوم بشهر العاشر
اكيد ما اناقش هنا الهالوين او رغبه الاهل من عدمها بالاحتفال بهذا العيد
بس أهلنا يسألون بالأخص المقيمين بالدول اللي يحتفل بيها الناس بهذا العيد
هل الاحتفال بهذا العيد مفيد للطفل ؟
هل يعتبر مشاهده هذه الاقنعه المخيفه مضر او سيء للطفل؟
احنا كبالغين لازم نفهم و نتفهم مشاعر الخوف عند الاطفال و من يخاف الطفل من شي نحاول قدر الإمكان نتجنبه و نبتعد حتى عن الحديث عنه
لذلك حتى تحتفل بهالوين عائلي لطيف عليك بالتالي :
1. خبر طفلك شنو راح يشوف و شنو يتوقع
و اذا تعرف ان المكان اللي راح تروحله بيه أقنعه مخيفه جدا فحاول تتجنبه
2. الهالوين مفيد لتنشيط خيال طفلك و ابداعه باختيار ملابسه و زيه للاحتفال فليش لا
3. دائما ذكر طفلك انه هذه أقنعه مو اكثر
و احتفل او لا تحتفل بالهالوين
د. سيف سمير البياتي اخصائي طب الاطفال
from د. سيف سمير البياتي