رفض المدرسه او الروضه
المشكله الجديده القديمه
جديده لان بدايه سنه
و بالأخص بعد كورونا و تغيب الاطفال عن الدوام الحضوري لسنتين
و قديمه لان هذه المشكله موجوده من زمن
تعالوا نناقش هذه المشكله و حلولها
💔 طفلي يبجي او يلطم على راسه او يضرب نفسه لان بدا الدوام شنو الحل ؟
اولا خلينا نفهم ان هذا اللي كاعد يسويه طبيعي و انه انت محترم رغبته
بس فهمه انه صح اني مفتهمك و احبك
بس موضوع ترك المدرسه غير قابل للنقاش
فتكوله: اني اعرف انه انت ما تحب المدرسه و ما حاب تروحلها بس صدقني بالاخير راح تحبها و راح تتونس بيها و تستمتع
💔 طفل اخر ما يقبل يكعد من نومه و يرفض يروح للدوام !
هذا حله جدا بسيط تكعده من نومه و تجي وياه خطوه بخطوه
ما قبل يشمط شعره لا تمشطه
ما قبل يبدل ملابسه دزه بالتراكسود للمدرسه
ما قبلت تلبس الا فلان لبس دزيها باللبس اللي تحبه
بالمدرسه راح يحس نفسه مختلف و راح يضطر يغير سلوكه
و الأفضل طبعا تبليغ المدرس او المعلم انه انت اضطريت لهذا التصرف لان ما كان يجي الا بكذا طريقه
💔 طفلك قفل و ما يقبل يصعد بالسياره و ما يروح !
هنا تفهمه انه ما عندك الوقت الكافي للمناقشة و بعدين راح تناقشه و من بعد الدوام تناقش وياه شنو سبب رفضه
❤ بصوره عامه عليك بالتالي
1. افهم سبب رفضه للمدرسه
2. فهمه انه انت تروح لشغلك و هو يروح لمدرسته
3. حاول تسد كل طرق الرفض و تجد الها الحلول
4. مو عيب و مو حرام ابدا الحديث مع الطبيب النفسي بخصوص الموضوع
و اكيد ارشح دكتور مخلد الفضلي لهذه المهمه
https://www.facebook.com/%D8%AF%D9%85%D8%AE%D9%84%D8%AF-%D8%A7%D9%84%D9%81%D8%B6%D9%84%D9%8A-700478840052535/
شكرا الكم
د. سيف سمير البياتي اخصائي طب الاطفال
from د. سيف سمير البياتي