قابلت كطبيب اطفال الكثير من الامهات اللي مسهلتها و اللي مصعبتها و اللي تريد الامور تسير بنموذجيه شديده و اللي تنطي للاطفال حريتهم و اللي تضرب اطفالها و ربيت اطفالي ويه زوجتي و شفت الصعوبه و السهوله بتربيه الاطفال اكول دائما حتى تصير طبيب اطفال لازم تصير اب و بعدين صير طبيب اطفال الطفل لا يشبه اي كتاب او اي ملاحظه يكولها الكم د. سيف او د. اسماء او د. سلمان داود او اي احد يكتب هنا بالصفحة احنا علينا نوجه و رب العالمين هو يسهلها موضوع التربية محتاج للصبر و الكثير من الصبر لسه اتذكر معانتنا ويه احد بناتي بالاكل و شون ما يعجبها كلشي و شون كانت تشمره و شون تجاوزنا و شون تعلمت تاكل ( مثل ما اكتبلكم ) لسه ما ناسي معاناتي ويه بنتي من كانت لاي سبب تبجي و ما اعرف ليش اصلا تبجي لان مثلا اخذنا منها اللعابه او لان رجعنا اللعابه و ما عرفت للان ليش تبجي للان اخر بناتي تتحرك ٢٤/٧ و الركض مستمر وراها اللي توصلتله كأب و كطبيب اطفال انه : صحه الام النفسيه اهم عنصر في هذه المعادله اللي اسمها التربيه و اذا اهملتي هالموضوع من العادي انه تنفجرين من هول الضغط ثانيا: اعرفي ان التكرار و الروتين هي مو رفاهيه هي اسلوب حياه هي تسهيل لامورك و خربطتها ينتج عنها بيوت فوضويه صعبة التشكيل ما راح تنتظم في يوم ثالثا: لازم دائما تخلين فكرك و عقلك بخصوص تعليم الطفل الاساسيات مثلا طفل عمره سنه افطمه من الرضاعه الصناعيه طفل عمره سنه و نصف ابدي اعلمه وين عيونه وين انفه وين فمه طفل عمره سنتين ابدي اعلمه على التواليت رابعا: لو ظليت اقارن ويه ابن جيراننا او بنت عمتنا او بنت خالتنا عمري ما راح اطلع من احساس النقص و راح اعيش طفلي بيه و ما راح يحس انه كفوء لاي شيء خامسا: لو بقينا نذم بأطفالنا عمرنا ما راح نحصل و لا ربع انجاز بالعكس اذا شجعته هيجي راح تطلعه للحياه رجل او امراءه واثق من نفسه او واثقه من نفسها سادسا : ما يكتب في هذه الصفحه ليس مبالغ بيه هو أساس الوضع الصحي اللي ناسيه و هامليه الكثير و ملتزمين بيه القليل قطع السكريات و الحلويات و المشروبات الغازيه مو حرمان هو أساس لصحه طفلك بالمستقبل و هو شاب و هو شايب . . بالاخير امهاتنا و القليل من اباؤنا ليش تستعجلون على كل شيء خلوهم يعيشون طفولتهم بتفاصيلها هدفنا طفل متعلم واثق من نفسه و سعيد و يعرف يتصرف مو قالب نقولبه و نخرجه نسخ فاشله للمجتمع د. سيف سمير البياتي اخصائي طب الاطفال

قابلت كطبيب اطفال الكثير من الامهات
اللي مسهلتها
و اللي مصعبتها
و اللي تريد الامور تسير بنموذجيه شديده
و اللي تنطي للاطفال حريتهم
و اللي تضرب اطفالها
و ربيت اطفالي ويه زوجتي و شفت الصعوبه و السهوله بتربيه الاطفال
اكول دائما حتى تصير طبيب اطفال لازم تصير اب و بعدين صير طبيب اطفال
الطفل لا يشبه اي كتاب
او اي ملاحظه يكولها الكم د. سيف او د. اسماء او د. سلمان داود او اي احد يكتب هنا بالصفحة
احنا علينا نوجه
و رب العالمين هو يسهلها
موضوع التربية محتاج للصبر و الكثير من الصبر
لسه اتذكر معانتنا ويه احد بناتي بالاكل و شون ما يعجبها كلشي و شون كانت تشمره و شون تجاوزنا و شون تعلمت تاكل ( مثل ما اكتبلكم )
لسه ما ناسي معاناتي ويه بنتي من كانت لاي سبب تبجي و ما اعرف ليش اصلا تبجي لان مثلا اخذنا منها اللعابه او لان رجعنا اللعابه و ما عرفت للان ليش تبجي
للان اخر بناتي تتحرك ٢٤/٧ و الركض مستمر وراها
اللي توصلتله كأب و كطبيب اطفال
انه :
صحه الام النفسيه اهم عنصر في هذه المعادله اللي اسمها التربيه
و اذا اهملتي هالموضوع من العادي انه تنفجرين من هول الضغط
ثانيا:
اعرفي ان التكرار و الروتين هي مو رفاهيه
هي اسلوب حياه
هي تسهيل لامورك
و خربطتها ينتج عنها بيوت فوضويه صعبة التشكيل ما راح تنتظم في يوم
ثالثا:
لازم دائما تخلين فكرك و عقلك بخصوص تعليم الطفل الاساسيات
مثلا طفل عمره سنه افطمه من الرضاعه الصناعيه
طفل عمره سنه و نصف ابدي اعلمه وين عيونه وين انفه وين فمه
طفل عمره سنتين ابدي اعلمه على التواليت
رابعا:
لو ظليت اقارن ويه ابن جيراننا او بنت عمتنا او بنت خالتنا عمري ما راح اطلع من احساس النقص و راح اعيش طفلي بيه و ما راح يحس انه كفوء لاي شيء
خامسا:
لو بقينا نذم بأطفالنا عمرنا ما راح نحصل و لا ربع انجاز
بالعكس اذا شجعته هيجي راح تطلعه للحياه رجل او امراءه واثق من نفسه او واثقه من نفسها
سادسا :
ما يكتب في هذه الصفحه ليس مبالغ بيه
هو أساس الوضع الصحي اللي ناسيه و هامليه الكثير
و ملتزمين بيه القليل
قطع السكريات و الحلويات و المشروبات الغازيه مو حرمان
هو أساس لصحه طفلك بالمستقبل و هو شاب و هو شايب
.
.
بالاخير امهاتنا و القليل من اباؤنا
ليش تستعجلون على كل شيء
خلوهم يعيشون طفولتهم بتفاصيلها
هدفنا طفل متعلم واثق من نفسه و سعيد و يعرف يتصرف
مو قالب نقولبه و نخرجه نسخ فاشله للمجتمع
د. سيف سمير البياتي اخصائي طب الاطفال

from د. سيف سمير البياتي

قابلت كطبيب اطفال الكثير من الامهات اللي مسهلتها و اللي مصعبتها و اللي تريد الامور تسير بنموذجيه شديده و اللي تنطي للاطفال حريتهم و اللي تضرب اطفالها و ربيت اطف…