الفلفل الحار والكابسيسين: عرض للفوائد والأضرار المحتملة

اگلب بالفيديوات وطلعتلي اغنيه هنديه وبما انه اني تغذيه فكرت شياكلون الهنود ؟؟
تعرفون العنبه الهنديه اكيد
اهم شي تكون سبايسي (حاره ) حيل كلش
اتذكر مره سألت صديقتي الله يذكرها بالخير ليش العنبه الهنديه هلكد حاره ؟ جاوبتني هو المي مالتهم يحطوله فلفل احمر وانتي قيسي😡😡😡
برغم طعمه اللاذع بس تعرفون ملئ بالفيتامينات والمعادن ومضادات الاكسده
يعني فيتامين سي نسبته كلش عاليه وكذلك بي ٦
اقوى مضاد اكسده والمسؤول عن الطعم الحار للفلفل الاحمر والسبب بأغلب فوائده الصحيه اسمه الكابساسين
شيسوي الكابساسين؟؟
يقلل الاحساس بالالم بمرور الوقت من استعماله لذلك المتعودين على اكل الفلفل مايحسون بحرارته بمرور الوقت
بعد شيسوي؟
هوايه دراسات ذكرت انه يزيد معدل الايض بالجسم ويقلل الشهيه ويزيد حرق الدهون. لكن بعض الدراسات نفت هالموضوع ولا زال البحث مستمر

الصدمه وين
اضراره
ممنوه على مرضى القولون العصبي
يسبب حرقه بالمعده واسهال
واكو دراسات اجروها وشافوا انه اللي ياكلون الفلفل الاحمر بكثره معدل اصابتهم بالسرطان اعلى وبالذات هالدراسات صارت عالشعب الهندي
ملاحظه التأثيرات المفيده ومضادات الاكسده تصير اكثر من تنضج الفلفلايه ويصير لونها احمر (يعني من بعدها خضره فوائدها اقل ))
من قريتوا البوست شقررتوا تبقون تستعملوه لو تعوفوه ؟؟؟
اكالين الفلفل احجولنا تجربتكم
د.زينه البياتي/طبيبه تغذيه
www.tiktok.com/@zeenas.bayaty
https://www.facebook.com/zinaclini/

https://instagram.com/albayatyzina?igshid=1uvmggtlwokl8
#جمال
#تجميل
#تغذيه
#fitness

from د. سيف سمير البياتي