#العصبية
من طرق علاج الام الي تعصب كلش هواي وهالشي يأثر بشكل سلبي على علاقتها مع اطفالها
هو استحضار سبب العصبيه
يعني بكل مره تعصبين ،
اسئلي نفسج اني ليش معصبه؟؟
وتذكري دائما السبب يمنا مو يم الطفل
وعليه كلما عرفتي الاسباب ،، حتعرفين الحلول ، ولو فعلا جاده حتكدرين مع الكثير مع التدريب والتعديل على تجاوزها
ناخذ امثلة:
ام تعصبت لان الطفل سكب الماء
هو تصرفه طبيعي جدا جدا
لكن الام قد تتصعب لانها جدا تعبانه وماعدها طاقه تكعد تنظف الماء المسكوب
الحل؟ تنظيم الوقت اكثر، توفير وقت اكثر، تناول الطعام الي ينطينا طاقه اكثر ، ممارسه التمارين الرياضيه وغيرها
ام تعصبت لان الطفل ديبجي بشكل متواصل وهي راسها يوجعها
المشكله مو بكاء الطفل
لان بكاءه شي طبيعي جدا جدا
لكن وجع راسها ديخليها تتازم
لذلك نختار حل انها تغادر المكان او تاخذ مسكن الى ان يهدا الوضع
وهكذا
ممكن الموضوع يكون اعمق بكثير كان تكون الام هي معنفه ومتبرمجه على هاي الطريقه وبالتالي هي تصرخ وتضرب بدون وعي لانها دماغها ماخذ الموضوع بشكل لاواعي ومن تسال نفسها ليش هيج سوت متلكه اي سبب حقيقي
هيج حاله حلها اكيد يم المختصين على شكل جلسات
كثره الصراخ والانفعال متحل المشاكل بقدر تعقيدها اكثر واكثر خصوصا
خصوصا
خصوصا
خصوصا
لووكانت هي الاسلوب السائد بالتربيه
اخفاق او اخفاقين يمشي، لكن اذا كان هذا الشي بشكل شبه دائم فتذكري انتي مكاعد تربين كل الي كاعد تسوي هو تعليم الطفل ان يكون عنيف وعصبي وماعنده شعور بالامان
د.اسماء
from د. سيف سمير البياتي