هبوط السكر باللي عندهم السكري، حالات الطوارئ شلون نتصرف؟؟
هبوط السكر هو انه يكون عدنا اعراض هبوط السكر ونجي نفحص السكر يكون اقل من 70.
عدنا نوعين هبوط سكر:
الاول :
هبوط يكدر الشخص المصاب يساعد نفسه، عن طريق تناول سكريات بسيطه مثل نص كوب عصير او مشروبات غازية ( ما يكون المشروب الغازي دايت او لايت, لازم يكون العادي) او خاشوقة طعام عسل او شكر،
ويرجع يقيس السكر ورا ربع ساعه اذا مصعد فوق ال70 يعيد العملية
من يصعد فوق ال70 هنا لازم ياكل وجبة معتدلة
النوع الثاني:
هو الي يفقد بي المريض وعيه او يكون مو بكامل وعيه ولازم تدخل شخص اخر حتى يساعده ، اكو دواء اسمه گلوكاگون يننطي بالعضل او بخاخ انف بس مو كلش متوفر بالعراق، فاحسن حل ينقل المريض باسرع وقت للمستشفى لاجراء اللازم
اللي يريدون تفاصيل اكثر وشرح بفيديو، الرابط بالتعليقات.
احچوا لنا تجاربكم بهبوط السكر.
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/
from د. سيف سمير البياتي