مسائكم خير
اللي بالصوره كلنا شايفيه
هذا اكيد اسمه تسوس
بس أطباء الأسنان يسمووه
Baby bottle tooth decay
اي تسوس الأسنان الناتج عن المميه
تكدرين تكتبين الجمله الانكليزي و تطلعلك الصور
و يصير من تخلين طفلك يتعرض للمميه و ينام ويه المميه او من يستخدم المميه كلهايه حتى يلتهي بيها
او من يستمر طفلك على المميه او الملهيه بعد سنه و ٣ اشهر إلى سنه و نص
و مو بس هاي
راح تصير عنده الفك العلوي يتقدم و ياثر هذا حتى على تكون الاسنان الدائميه
اي نعم تخيل
حتى الاسنان الدائميه تتقدم
و الوقايه شون ؟
ما تخليه يتعلم على طبع ينام و المميه بحلكه
ثانيا وداعا للمميه بعمر سنه إلى سنه و ٣ اشهر
ثالثا تعلميه على الكوب بعمر ٦ إلى ٩ اشهر
رابعا ما تنطين عصير بالمميه أبدا
.
.
ملاحظه١ : طفلك اذا كان يرضع طبيعيا و هذا شكل اسنانه ممكن لان ما اخذ فيتامين دي بأول ايام بعد الولاده و استمريتي عليها او اخذتي ادويه بالحمل مال طفلك اثرت على تكون السن
ملاحظه ٢: المميه تأثر لان الحليب ينزل على كيفه على الاسنان و بالتالي تتعرض الاسنان لحلاوه الحليب فتره اطول مما يشرب بالكوب
ثالثا: امهات الرضاعه الطبيعيه و اللي اغلب رضاعتها طبيعي مو تنسين تنطين لطفلك فيتامين دي ٤٠٠ وحده دوليه يوميا اول ايام بعد الولاده و امهات الرضاعه الصناعيه اسالوا طبيبك بخصوص هذا الموضوع
رابعا: و للمره المليون كثر الحليب مو زين بعد السنه لهوايه اسباب و هاي من ضمنها فقللي استهلاك الحليب بعد السنه إلى كوبين فقط
خامسا : الحولين الكاملين رب العالمين كالها على الوالدات اللي يرضعن طبيعي مو على اللي يرضعن مميات فإذا متدينه اكولك رضعي طبيعي و استمري للسنتين
د. سيف سمير البياتي
اخصائي طب الأطفال
from د. سيف سمير البياتي