حبوب منع الحمل
نرجع مرة ومرتين وتلاثة نسولف بحبوب منع الحمل
💥الحبوب اغلبها يجب ان تؤخذ من اول يوم الدورة بالزايد ثاني او ثالث غلط انه ناخذها خامس يوم الدورة👌🏽
💥الحب اذا معجبج او ما ارتاحيتي عليه مو شرط نعمم على باقي النساء الي نعرفهم انه هذا مو زين ممكن ميفيدج بس يفيد غيرج
💥وقت واحد ناخذها افضل ونخلي ضبط بالموبايل واصلا اكو برامج للضبط لموعد الحبوب
💥فكرة الحبوب الرئيسية منع الاباضة يعني الي دينزل نهاية الشهر مو دورة صحيحة هذي دورة من صنع الحبوب 😐لتنصدمون بهذي الحقيقة🥲 ف طبيعي يكون مرة زايد مرة ناقص يعني هذا من صنع الحبوب مو من هرموناتج 👌🏽
💥اكو حبوب تؤخذ باستمرار متقطع خلال الدورة ومنها السيرازيت يعني الي بيها بروجسترون فقط تؤخذ مستمرة
💥اختيار الحبوب يكون من قبل الطبيبة الاختصاص يعني لتمشين على جيرانكم او زوجة حماج ممكن هي عدها ضغط ممكن هي دورتها غير شكل او عدها مشكلة او انتي عندج مشكلة تحتاج غير مانع ف نتحمل الروحة للطبيبة بس تستحق الشغلة ترة😊
💥اي مانع والحبوب من ضمنها منكدر نحكم عليه الا بعد عبور٣ اشهر من الاستعمال
💥الحبوب مفيدة لاشياء اخرى منها النمو الغزير للشعر منها عدم انتظام الدورة وكلها باشراف الطبيب
💥اذا الحبوب سوت عدنه صداع قوي او نصفي اذا ارتفع الضغط بسببها او صار خلل بوظائف الكبد يفضل نتركها ونختار مانع بعيد عن الهرمونات
💥عند نسيان الحبة مهم جدا تعرفين شكد باقي بالشريط حتى نعرف شنسوي وتستشارين طبيبة كل ما اوكت كل ما افضل واكو بوست سابق للحبة المنسية
💥حبوب شفت المريضات حبوها واقل اعراض جانبية
سونيا كاتيا زهرة ياسمين واكو نوع جديد اسمه ساليما هم لطيف
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي