حقنة منع الحمل
💥ابرة المانع مثل ما متعارف عليها هي حقنة تحتوي على مادة هرمونية تنطي هرمون البروجسترون بس بجرعة عالية تكفي ٣ أشهر وبهالشكل انت رح تكونين خلصانة من المانع اليومي بفعالية ٩٥-٩٨٪
💥طريقة عملها الرئيسية تمنع الاباضة وكذلك تزيد من سمك افرازات عنق الرحم وتمنع تلقيح الحيوانات المنوية للبيضة.
💥شغلها ك مانع حمل ممتاز بس مشكلتها بالاعراض الجانبية الكثيرة لهالسبب اغلب الطبيبات واني منهم مننصح بيها الا اذا كانت الخيار الوحيد وميرهم غيرها للمريضة غالبا انصح بيها للاربعينات مو للشابات الصغار الي بعد وراهم اطفال وحمل
مضاعفاتها:
🪨تزيد الوزن بمعدل ٣ كيلوات بالسنة على اقل نسبة
🪨تفتح الشهية
🪨تقلل الرغبة الجنسية
🪨ممكن ان تسبب صداع او شقيقة للناس الي عدها نفس المشكلة ويا حبوب منع الحمل
🪨تسبب نزول قطرات دم على طول الشهر والمريضة متعرف هذي دورة من استحاضة
🪨اصفرار لون البشرة
🪨كآبة ممكن بسيطة وممكن حادة
🪨تساقط الشعر
🪨نمو شعر في الوجه بسرعة اكثر من السابق
🪨احتقان الثدي
🪨حبوب في الوجه
🪨واهم خلل انه ممكن مترجع الاباضة بعد تركها مباشرة ممكن يطول الموضوع الى سنة او سنتين وهذا يدخلنه بمشكلة اخرى وهي خلل بكثافة العظم الي ممكن ان تؤدي الى زيادة نخر العظام ولهالسبب اغلب الي يضربوها باستمرار وفترات طويلة يجون للعيادة يشكون من مفاصلهم وعظامهم
🌺منو لازم ميستعملها؟يعني ممنوعة منها
💥الي عدهم زيادة بعوامل التخثر مثلا خثرة سابقة بالرجل او الرئة او مكان اخر
💥امراض الكبد
💥غير متاكدة من موعد الدورة ومتدرين حامل او لا
💥سرطان الثدي
نزف رحمي غير مشخص سببه
الابرة موعدها كل ٣ اشهر ماكو شي اسمه تنطي مناعة ٦ اشهر عالميا اكو شهرين واكو ٣ اشهر الي موجودة ومتعاوف عليها الي تستعمل كل ٣ اشهر ومتضربين الثانية اذا متتاكدين من وضع الرحم والمبيض يله تاخذين ابره ثانية وممكن تنزل الدورة بموعدها ممكن تنقطع ممكن تتخربط بس الابرة مشتغلة والاباضة ماكو فلتخافين
ابقي على فيتامين دي وكالسيوم خلال فترة الابرة خصوصا اذا الدورة انقطعت
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي