السلام عليكم…
سؤال يتكرر هواية بلكومنتات, اذا اطفالنا يبلعون المعجون شون ؟وعليهم خطر لولا؟
وهواية قريت يكولون بطلنا نفرشلهم اسنانهم لان ميعرفون يتمضمضون
طبعا الفلورايد هو المادة الفعالة بمعجون الاسنان الي تنطي حماية من التسوس…ولكن بلع ماده الفلورايد بكميات كبيرة ممكن ياذي الاسنان
ولهذا احنه نتبع توصيات الجمعية الامريكية لطب الاسنان بتحديد كمية معجون الاسنان للاطفال الصغار
الصورة👇تبين الكمية الموصى بها للاطفال دون سن الثاثة والي هي بحجم حبة الرز”التمن”… والثانية تبين كمية معجون الاسنان للاطفال فوق عمر ال3 وهي بحجم حبة البازلاء”البزاليا”
عدا عن هذا فخلوا ابالكم هواية شركات تنتج معاجين اسنان مخصص للاطفال وفرقها عن معاجين اسنان الكبار عدا عن انه طعمها يكون الطف وموحاد فهي كمية الفلورايد تكون قليله جدا… لهذا اني اشجع الكل تستخدم معجون اسنان يحتوي عالفلورايد مع الالتزام بلكمية الموصى بها.
تحياتي
د.همسة الدهان
#الاهتمام_باسنان_الاطفال
from د. سيف سمير البياتي