المدارس و اطفال المدارس و ضعف التركيز !
و ابني ما يركز و بنتي ما تفتهم شكد ما اقريها
حتى نضمن تركيز الطفل يزيد عليك بالنقاط التاليه
❤ اولا الابتعاد كليا عن التلفزيون و الايباد و الموبايل
الابتعاد عن اماكن تجمع العائلة
يعني مو يقرا و اخوته و ولد عمه يلعبون بالغرفة اللي هو يقرا بيها او يسمعهم يلعبون
❤ الابتعاد كل البعد عن المشروبات الغازيه فباكثر من بحث و اكثر من مصدر يؤكد انه تؤدي الى تشتت التركيز
❤ اعطاء الطفل فترة من الراحة مثلا مو اول ما يجي من المدرسة و انما يرتاح و يتغدا و يتهيء
❤ اختيار التوقيت المناسب يعني مثلا يشوف كارتون الساعه بال ٦ عصرا و انت الا تقريه بهذه الساعه
بس ننطيه مجال يشوف كارتونه و يرجع يقرا
❤ باعي بعينه و انت تقريه حتى لا يشتت تفكيره
❤ لا للعنف لا للضرب لا للاعصاب التعبانه
مثل ما انصح الامهات اللي اطفالهم صغار و يجبروهم على الاكل انت هم نفس الشي
❤ اعرف ان الدوام مضغوط ب ٤ ايام و ينطون واجب كبير
لا تنطين ايام راحه طويلة
حتى ينسى كيف يقرا اصلا
لا قسمي الواجبات يوميا
❤ قطعي فتره الدراسه كل ١٠ دقائق او كل ربع ساعه لشرب ماء او اكله بسيطه او لتمرين بسيط
❤ لا تخوفيه بابوه و اذا ما حليت الواجب الا اكول لابوك حلي الامور بالسياسة
د. سيف سمير البياتي اخصائي طب الاطفال
from د. سيف سمير البياتي