عيد مرأة سعيد لكل امهاتنا وخواتنا وبناتنا❤️
كل عام وانتن بالف خير، الله يديمكم شمعة مضوية بيوتكم وشمعة مضوية الطريق للجيل الجديد.
بمناسبة هذا اليوم اطلب منكم نكون سند لبنات جنسنا :
بلبداية حبي نفسج، ريحيها، لاتكونين قاسية بالحكم على نفسج وتريدين كلشي يكون مضبوط ومثالي، هواية منا تربينا على انه لازم كلشي يكون مثالي حتى نكون خوش بنات او خوش امهات، وهالشي ابد موصحيح، الاعتدال بكلشي هو الافضل، ممكن وضعي هسه يتطلب ارتاح، ممكن يتطلب انطي مساحة لاطفالي يلعبون على انه يبقى كلشي مرتب ومثالي…. الخ
اتمنى الخير لاختج ولصديقتج، ولزميلتج لاتحجين عليها بظهرها ولاتاذيها بفعل اوقول. قال الرسول صلوات الله عليه وسلم( لايؤمن المرء حتى يحب لاخية مايحب لنفسة)
بنتج وجنتج لاتنتقديهم وتفرضين عليهم شغلات سواء بادارة بيوتهم او بتربيتهم لاطفالهم انطي النصيحة الي تريديها باحترام ومحبة وهمه براحتهم يطبقون الي يناسبهم، واذا ماطبقوها هالشي ماله علاقه باحترامهم الج هذا شي خاص بيهم، ولازم يكون الهم قرار بتربيتهم وادارة بيوتهم.
وبلنهاية اتمنالكم يوم سعيد وسنة هنية❤️
تحياتي
د.همسة الدهان
#همسة_الدهان
from د. سيف سمير البياتي