❓❓ من اسئلتكم: شنو هي اعراض صعود الضغط؟؟
✅✅ الجواب:
❤️ اغلب الحالات ارتفاع ضغط الدم ما يكون اله اي اعراض حتى لو وصل الضغط الى مستويات عالية و خطرة هم، لذلك يسموه القاتل الصامت.
❤️ بحالات قليلة ممكن صعود الضغط يسبب صداع او نزف من الانف او الم بالصدر او ضيق نفس، لكن هذا ما يصير الا اذا كان الضغط واصل العالي 18 او اكثر والواطي 11 او اكثر (علميا احنا نحسبها 180 و 110 او اكثر).
❤️ هاي الاعراض المذكورة مو خاصة بصعود الضغط يعني مو كل صداع او كل نزف انف او كل الم صدر سببه صعود الضغط، ممكن هواية اسباب اخرى، والضغط حتى يسبب اعراض لازم يكون عالي جدا ، مثل ما قلنا العالي 18 او اكثر والواطي 11 او اكثر.
🤔 اخر مرة قست ضغطك شقد كان؟؟
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
بكالوريوس طب و جراحة عامة
بورد (دكتوراه) في الطب الباطني
عضو الكلية الأمريكية للأطباء
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/
#DrSoranHassanZangana
from د. سيف سمير البياتي