المرأة الحامل والصيام
بما انه الشهر الفضيل عالابواب والكل بالعيادة وعالواتس يسال عالصيام خل نسولف شوية عالموضوع يارب تستفادون
الصيام للمرأة الحامل بصورة عامة مابي مشكلة يعني نكدر نصوم بس بضوابط واحتياطات معينة
🔴نشرب سوائل خلال الفترة بين الفطور والسحور
🔴اخذ فيتامينات الحمل بصورة صحيحة
🔴اكل صحي كو كمية نوعية يعني لايخلو الفطور من البروتينات والدهون والكاربوهيدرات بكمية اقل
🔴مننسى الخضراوت حتى نتجنب الامساك
🔴ننام وقت كافي ونعوض بالنهار لان قلة النوم تسبب الارهاق وتسبب زيادة التقلصات وقلة حركة الجنين.
الفطور يكون تمر وحدة او ٣ تمرات بالزايد وبشوربة خفيفة رجاء حوامل الشوربة خفيفة حتى تعوضين الاكل والسعرات بشي ثاني مو الشوربة
بعدها بنص ساعة المفروض يله تاكلين اذا مو اكثر يعني لان انت صايمة نازل السكر تاكلين يصعد مستوى السمر بالدم هذا يسبب وصول كمية اعلى من المعتاد من السكر للمشيمة وبالتالي للجنين وهذا الي منريده الهدف انه بعد الفطور يكون وصول الغذاء للجنين بطريقة معتدلة
بعد ساعتين ناكل شي بسيط ونحاول كل شوية مي وسوائل
عصير مو شرط عصاير حلوة ممكن نحاول نستبدلها بشي صحي حتى واذا مو كلش نرغبها انتي هالسنة صيامج غير اتحملي لخاطر البيبي ورمضان الي بعده يكون بحضنج ويخبصج بالفطور😅
لتعوفين السحور السحور وجبة مهمة جدا وخصوصا انتي صايمة بعدها١٢-١٤ ساعة عالاكل تاكلين تمر ولبن وجبة خفيفة وبيها مايسد
الي ممنوعة من الصيام ومننصحها تصوم منو؟
🔅حامل بداية الحمل ووحام شديد وعدها علامات جفاف ميصير تصوم
🔅فقر دم حاد مع الحمل
🔅ارتفاع الضغط وارتفاع السكر مع الحمل
🔅حمل بتقلصات رحمية شديدة ومهدد بولادة مبكرة
🔅ارتفاع الحرارة بسبب التهاب معين مثل الانفلاونزا الشديدة او التهاب المجاري البولية لان تزيد التقلصات واحتمالية الولادة المبكرة
ضمور حجم الجنين لاي سبب يعني هو اصغر من حجمه الطبيعي بسبب عدم كفاءة المشيمة او سبب اخر .
انتي وصايمة ووصلتي لنص الشهر وبديتي تتعبين او بدت تصير اوجاع حادة وتقلصات قوية افطري وارتاحي وعوضي غير ايام
قبل الفطور انصح باخذ حبوب البلاسيل واللانسوبرازول للي تعاني من التقيؤ او الحموضة او ثقل الطعام بالمعدة
تخفف العلاجات هذي من الاعراض وتمنع بقاء الاكل بالمعدة لفترة طويلة
رمضان كريم ❤️🥰
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي