بنات هالوكت دا يكبرن بسرعه!
مقوله نسمعها اني و انتوا
و نكولها اني و انتوا
اللي ملاحظ هالشي ملاحظ
و اللي ما ملاحظ هذا الشي وره هذا البوست راح يلاحظ
هل هو حقيقي ؟
صدك بنات هالوكت دا يبلغن بسرعه ؟
و صدك دا يكبرن بسرعه؟
يعني الأم بلغت بعمر ١٣ سنه بس البنيه بلغت أبكر من امها ليش هيجي ؟
الحقيقه و الجواب؟
اي نعم
هذه الحقيقه ثابته
و المعدل لتقدم البلوغ يختلف بين عرق و عرق اخر
بس البنات كاعد تتقدم فتره بلوغهن بمعدل ٣ أشهر/ 10 سنوات
يعني معدل البنات اللي بلغن بعمر 10 سنوات كمعدل بالخمسينات من القرن الماضي
صار الأغلب بلوغهم بعمر ٩ سنوات بالتسعينات !
و هذا شنو يترتب عليه طبيا ؟
طبيا يترتب عليه أن يتغير تعريف البلوغ المبكر
يعني الان يعتبر البلوغ المبكر هو اي علامات ظهور لعلامات جسديه انثويه قبل عمر 8 سنوات
هذا ممكن يتقدم بالاطفال السود مثلا اللي معدل البلوغ بدا يصير عدهم من عمر 7 سنوات !
البوست ملخصه ٣ شغلات :
1. اي البنات دا يبلغن بفتره أسرع من امهاتهن و بمعدل ٣ أشهر كل ١٠ سنوات
2. اي البنات دا يكبرن بسرعه لذلك عليك توجهيهن و تبدين تحجين وياهن من وقت حتى لا ينصدمن و تتاثر نفسياتهم باللي راح يصير
3. انتبهوا على أوزان الاولاد و البنات مبكرا
و خصوصا البنات من عمر سنتين انتبهوا على الاوزان الزايده علمود لا تصير عدها متلازمه تكيس المبيض
د. سيف سمير البياتي اخصائي طب الاطفال
المصادر بالتعليقات
from د. سيف سمير البياتي