الطفل البنفسجي
على كوله امهاتنا يصير ازرك من البجي
و هو فعلا يصير بنفسجي
كلمه بنفسجي بالانكليزي هي purple
و كل حرف من كلمه purple يرمز لصفه من هذه الحاله اللي نسميها الطفل البنفسجي
هذه الفتره هي بالشهر الثاني من العمر
هي قمه البجي peak
اللي دائما اكولها من عمر ٤٠ إلى ٦٠ يوم
و هي قمه المغص وراها شويه شويه تخف و تختفي بعمر ٣ إلى ٥ اشهر
طبعا النمو ما يتأثر
و تشوف الطفل يكبر و نموه طبيعي
هذه الفتره ما تعرف شوكت تصير
Unexpected
يعني غير متوقعه
و فوك كل هذا
Resist soothing
يعني كلشي ما يفيد وياها لا حضن و لا كماط و لا هز لو شنو تسوي
وحده من خواصها انه الطفل شكله كاعد يتاذى بحيث تسالون انه ابني دا يتاذى
Pain like
تطول فتره البكاء فتره طويله و تاخذ أحيانا ٥ ساعات من البكاء المتواصل
Long lasting
و أكثر فترات البكاء هي بالليل و بالأخص المغرب و تالي الليل
Evening
اكو علاجات هوايه لهاي الفقره و كلنا نعرفها من الحضن و الكماط و الهز الخفيف و قطرات اللاكتيز ( الكوليف ) و قطرات السيمثكون و تخفيف الملابس بس بالأخير اكو اطفال كلشي ما يفيد وياهم
و مالك غير تركبه بالسيارة و تفتر
فنحب نطمن الأمهات
انه مالك غير تنتظرين هذه الفتره تمر
تحياتي الكم
د. سيف سمير البياتي
اخصائي طب الأطفال
#مغص_٣_اشهر
from د. سيف سمير البياتي