10 نقاط لو بس تعرفيهم و تنفذيهم راح تعيشين مرتاحه و سعيده و بلا اعصاب و بلا حرك اعصاب
❤1 اولا انت مدا تربين حتى تستعرضين اطفالك او اوزانهم او اجسامهم
انت دا تربين حتى يكونون اصحاء
قاده للمجتمع
مثال لحسن التربيه
و اكيد يدبرون أمورهم بنفسهم
و اللي تكولك ابنك ضعيف كوليلها اخذيه سمنيه و رجعيه الي
❤2 ماكو شي اسمه اعاند بالطفل و اظل بالعناد
لا و تكولين هذا ليش هيجي عنيد الطفل !
هذا راح يخليه يعاند اكثر و اكثر
❤ 3 موضوع الملامه لا تلتفتيله اصلا
لان عادي اذا صار راح يلومونك
و اذا ما صار هم راح يلومونك
❤4 اخطاء اطفالك او فشلهم مو ذنبك
هذه أخطائهم و هم يتحملون نتائجها
هذه النقطه لطلاب المدارس طبعا
❤5 ما عاد اكو شي اسمه يسوون مثل ما اريد و بنفس طلباتك انت و بنفس مقاساتك انت
كان زمان هذا
خليك منفتحه على الزمن هذا و على التغييرات اللي صارت بيه
❤ 6 قللي كمية الاوامر اللي طول النهار ترديها منهم تره زهكوا و ملوا
❤ 7. بلا وصم للاطفال بألفاظ مثل عصبي و مزعج و نحيس و غيرها
فبالاخير راح يكون هذه الصفات كلها بيه و ان كانت ما بيه
❤8. عمر الضرب ما يعلم بني آدم
لذلك من صديقتك تكولك اني اضرب الجهال
كوليلها اوكي
و تعلمي ان الطريقه الصحيحه للتربيه ما تعني ابدا لا شده زياده و لا لين زياده
❤ 9. موضوع و جمله ( مو هو ما يقبل ) تخليك أضعف ام بالعالم و ماكو داعي تصيرين ام اذا تقوليها
مو هو ما يقبل ينفطم
مو هو ما يقبل يترك الملهيه
مو هي ما تقبل الا تطلع بالليل
مو هو ما يقبل الا يشرب مخدرات
بالاخير انت الأم و انت اللي تربين
❤ 10. استفادي من كل جهد
و سويلهم واجبات منزليه يوميه
كل واحد يقوم بيها
حتى ترتاحين من يكبرون
د. سيف سمير البياتي اخصائي طب الاطفال
from د. سيف سمير البياتي