وقت اللعب على البطن !
اسمها بالانكليزي
Tummy time
وقت مهم و مستقطع من ضمن الروتين اليومي للاطفال
الوقت هذا اول شرط بيه ان يكون الطفل كاعد و صاحي
حتى لا نتعارض ويه قاعده النوم الأولى ( النوم على الظهر )
🌸 من اي عمر نبدأ بيه ؟
من الولاده
🌸 زين ليش وقت اللعب على البطن مهم ؟
يكولك علميا كلما الاطفال لعبوا على بطنهم اكثر كلما كانوا اسرع بالتطور الحركي مثل الزحف و المشي و الجلوس
🌸 فوائد أخرى لوقت اللعب على البطن ؟
❤ تفيد بالتواصل و فتكدر تخلي الطفل على صدرك و تتواصل وياه
❤ تساعد على تجنب ان يكون راس الطفل مستوي و عدل
لان تعرفون انه هم ينامون هوايه على ظهرهم
❤ يساعد الطفل على التطور الحسي مثل اللمس
❤ يطور البصر و يعرف مستوى بصره
🌸 شكد اخليه يلعب على بطنه يوميا؟
احرص ان يكون بحوالي الساعه يوميا مقسمه إلى عده مرات
🌸 و اذا يكره يلعب على بطنه؟
عادي لا تجبره
و جرب وضعه على صدرك و العب وياه
حاول بعد فتره أخرى
خلي لعبه صغيره أمام نظره
خلي منشفه دائريه تحت صدره
🌸 نصائح أخرى؟
خليها من ضمن روتينك اليومي
خليها ممتعه و غنيله و العب وياه
سولف ويه الطفل أثناء وقت اللعب على البطن
د. سيف سمير البياتي اخصائي طب الاطفال
from د. سيف سمير البياتي