نصائح لمريضة تكيس المبايض
💖نظام نوم صحي ٨ ساعات عالاقل بدون سهر للصبح عوفو السهر بليزززز
💖اشربي مي دائما ٢-٣ لتر يوميا
💖امشي عالاقل نص ساعة ولتكولين ما اكدر تكدرين 💖اطلعي لراس الشارع مال بيتكم ورجعي وبالطريق راجعي المادة بما انه وكت امتحانات😅
💖العبي رياضة ويفضل حمل الاثقال جدا ينصح بي لمريضة التكيس يقلل الهرمون الذكري ومقاومة الانسولين الي هي اساس مشكلتج
💖ريوك صحي اتريك ماكو شي اسمه ما اتريك احسن اتريكي بس شي صحي بيض او فول او جبن قليل الدسم واكيد منكثر من الخبز والصمون
💖الفيتامينات مهمة جدا فيتامين دي اذا عدنه نقص نعوض
💖الزنك يخفف من تساقط الشعر ويخفف ظهور الحبوب
💖مساعد السكر علاج مهم ورائع بس مو للكل الي عدها خلل بالانسولين وبمستوى السكر حسب الفحص تستفاد منه والي تاخذه لازم تاخذ B12 وياه
💖المغنيسيوم ينظم مستوى الانسولين وجدا يفيد مريضات السكر
💖اكو هواية مكملات غذائية لطيفة وحلو تاثيرها بتنظيم الدورة الشهرية والاباضة والاعراض الاخرى نقررها حسب الاحتياج الي نشوفه بالمريضة وبيها نتائج حلوة
💖التكيس مرض مزمن لازم نتكيف وياه ونغير نمط الحياة لشي صحي
د رحاب مجيد شريف
https://www.facebook.com/Dr.Rihabmajeed
from د. سيف سمير البياتي