السلام عليكم…
راح ابدي وياكم سلسلة الرعاية بالاسنان خلال فترة الحمل🤰🤰 تكدرون تتابعون السلسلة باستخدام هذا الهاشتاك
#العناية_بالاسنان_خلال_فترة_الحمل
اول خطوة تكون للنساء الي مخططين للحمل…..
كلش مهم نعرف انه صحة الفم والاسنان تاثر بشكل كبير على صحة الحامل بصورة عامة
فمن الضروري الذهاب لطبيب الاسنان لما نكون دنخطط للحمل..
بهاي الزيارة ممكن نسوي فحص كامل للاسنان….
اشعة لمعرفه فيما لو كان اكو تسوس ببدايتة حتى نعالجة قبل الحمل
او اي مشاكل اخرى ممكن ممعالجتها
بهاي الزيارة ممكن ناخذ معلومات من الطبيب عن اهمية العناية بالاسنان خلال فتره الحمل
وشنو الخطوات المتبعة للحفاظ على صحة الفم والاسنان
شوكت امن للحامل انه تراجع طبيب الاسنان خلال فتره الحمل
وشنو هي الاجراءات الي ممكن تتسوة وشنو لازم نتجنبة.
وانتوا شنو رايكم؟ اكو احد زار طبيب الاسنان خلال فتره التخطيط للحمل؟
احد عانى من اسنانة خلال فتره الحمل وجان يتمنى انه مسوي الخطوات الي ذكرناها👆
سووا تاك للحوامل والمقبلين على الحمل حتى يستفادون من هاي السلسلة
تحياتي
د.همسة الدهان
#همسة_الدهان
from د. سيف سمير البياتي