من اسئلتكم:
دكتور، سكري الحمل يروح بعد الولادة ؟
باغلب الحالات سكري الحمل يروح بمجرد ولادة الطفل.
لكن اكو حالات قليلة السكري ممكن يستمر بعد الولادة هم، هاي الحالات أغلبها عندهم سكري من النوع الثاني من قبل الحمل بس ما دارين بيه، وبفترة الحمل سووا فحص شافوا عندهم سكر وانحسب سكري حمل وهو بالأساس سكري نوع ثاني.
زين دكتور اللي يروح منهم بعد ولادة الطفل ، ممكن يرجع بعدين ؟
اللي يصير عندهم سكري الحمل احتمالية إصابتهم بالسكري النوع الثاني مستقبلا هي ٥٠٪، واحتمالية إصابتهم بسكري الحمل بالاحمال التالية ٥٠-٦٥٪
يعني هاي الخطورة حتمية والا تصير وماكو شي نقدر نسويه؟؟
لا ابد مو حتمية والمحافظة على وزن صحي واكل صحي ورياضة تقدرون تقولون منها بشكل كبير.
وخلي اصدمكم قبل ما اروح، تعرفون الاطفال اللي أمهاتهم كان عندهم سكري حمل لمن كانوا حاملات بيهم، معرضين أكثر للسمنة والسكري النوع الثاني من يكبرون؟
ربي يحميها ويحميكم من الأمراض ويشفي كل المرضى.
انتوا أو وحدة تعرفوها صار بيهن سكري الحمل ؟؟
د. سوران حسن زنكنة
طبيب اختصاصي باطنية ( الأمراض القلبية و الصدرية والجهاز الهضمي والغدد )
بکالوريوس طب وجراحة عامة
بورد ( دكتوراه) في الطب الباطني
عضو الكلية الأمريكية للأطباء
Facebook.com/DrSoranHassanZangana2
Instagram.com/DrSoranHassanZangana2
https://vm.tiktok.com/ZSJLnpnk9/
#DrSoranHassanZangana
from د. سيف سمير البياتي