يكولك ان الامومه شي فطري
يعني احساس يولد ويه الانثى
ممكن يكون صحيح
فالبنيه تحب كلشي صغير
و تهتم بالصغار
و تحب تربي اي طفل صغير حتى لو ابن الجيران
و من تتزوج و تجيب الطفل قلبها يدق و يدق و يدق
يدق من الحب
من الحنان
من العطف
من الخوف
من القلق
من الاحباط
من الشغف
طبيعي جدا ان تمشي بهذه التفاصيل
الامومه فطرة
بس مو الفطرة هي اللي تكبر الكائن الصغير
المهارات هي اللي تربي الصغير
مو شرط من تكونين ام تعرفين شلون ترضعين
شلون تغيرين الحفاظ
شلون تتعاملين وياه من يبجي
و شلون تتعاملين وياه من يصير عنده غازات
هذه اشياء تتعلميها منا و مناك و بالخطأ و بالصح و السؤال و بالقراءه
مو مطلوب ابدا منك ان تكونين خبيره بالتربيه
و ان تعرفي كيف تنشئي طفلا خارقا او طفل يتحمل المسؤوليه
فالموضوع يحتاج إلى سنين و قراءه و تجارب و معرفه
ماكو مناهج بالمدرسه شلون تكونين اما
لذلك جهلك طبيعي
و عدم معرفتك طبيعي
و اخطاؤك بالتربيه طبيعيه
امهاتنا
كل اللي عليك تكونين يقظه
عيشي حياتك مثل ما تشوفيها صح
عيشي تجربتك بدون رتوش
ركزي على تجربتك الشخصيه ويه طفلك
ماكو ام مثاليه
بس اكو ام واعيه
و ام تحاول
تحاول أن تكون يوم غد أما افضل
مو ام تستلم و تكول ( شاسويله مو ما يقبل )
د. سيف سمير البياتي اخصائي طب الاطفال
from د. سيف سمير البياتي