اول مره يتذوق البروكولي
تذكر دائما
ابدا لا تكول طفلي ما يحب فلان اكله الا بعد ما تجربه 20 مره
و راح يستمر التغيير بالتفضيلات لغايه 5 سنوات لان البراعم الذوقيه مال اللسان تظل في حاله تطور
يعني اليوم يحب التفاح بعد كم يوم ما يحبه
لذلك دائما غير الاطعم و ظل جرب
احجيلكم من وحي تجربتي
بنتي البكر ما حبت البيض بأول تجربه
ما جربنا البيض بعد
حاليا عمرها 13 سنه ما تحب البيض
بنتي الصغيره ما حبت البيض رجعنا جربنا بعد شهر
بعد شهر ما حبت البيض رجعنا جربنا ما حبت البيض
و هكذا الى المره 13 او 14 حبت البيض
بدون توتر بدون ضغط بدون إجبار
معلومه أخرى
كلما تدخلين أطعمه بالسنه الأولى كلما يزيد من تقبله للطعام بالمستقبل
و كلما تدخلين أطعمه معتدله كلما يفضلها من يكبر
لذلك نكول لا للسكر او الملح اول سنه
اخر معلومه
كلما تنوعين بغذائك و انت ترضعين طبيعي بأول أشهر كلما الطفل يتقبل الطعام اكثر
تريدين تخربين كل ما ذكر فوك؟
دخلي العصير الطبيعي او الصناعي و الاطعم الحلوه او المالحه او الغنيه بالبهارات بأول سنتين او ٣ و راح تشوفين شون راح يفضل الجبس و النستله و العصير على اكل البيت
د. سيف سمير البياتي اخصائي طب الاطفال
from د. سيف سمير البياتي