د. سلمان داودمكتبة مقالات عربية عن صحة الطفل والأسرة

الباجة في غذاء الأطفال: مكونات الوجبة وطريقة تقديمها

و نركب الترند
و نكول شوكت الطفل ياكل باجه ؟
الباجه هي راس الخروف
و راس الخروف اكله معروفه حول العالم
يعني مو بس بالعراق
بجنوب أفريقيا يسموها smiley لان شكل الخروف بعد الذبح و عند طبخه يكون مبتسم
بايسلندا و شرق النرويج عدهم طبخه الها اسم خاص و هو smalahove اي راس الخروف
و بالمغرب العربي يطبخوها ويه الكثير من الحمص و البهارات و ياكلوها اما باليد او مع الخبز و دائما هي خاصه بعيد الأضحى
بالعراق الها اسم و هو الباجه و هي اكله مشهوره شعبيه بالعراق و مصر و دول عربيه أخرى
نجي للمحتوى الغذائي بيها
بيها الأحماض الامينيه الاساسيه و بنسبه عاليه جدا
بيها اوميكا 3 بنسبه عاليه تكفي خمس الاحتياج اليومي
اما اهم عنصر بيها فهو السلينيوم الضروري جدا لصحه الشعر و المناعه و مضاد للالتهاب و مفيد للوقايه من نوبات التحسس و الربو
و بيها فيتامين B12 بنسبه عاليه جدا فهي مفيده لفقر الدم
قليله بالحديد لان اللحم بيها اقل من اللحم العادي
و بيها طاقه عاليه
و فعلا مثل ما كالت دكتوره زينه ما تصعد الكوليسترول
نجي لفقره الاطفال
الباجه اذا انطبخت بشروط طعام الاطفال تحت عمر سنه فهي حالها حال اللحم و ما تفرق عنه
بس شنو شروط الطعام تحت سنه؟
انه بدون ملح
و بدون سكر
الموضوع اللي ممكن يتأجل بعد عمر السنه
لذلك افضل تأجيل هذه الوجبه بعد عمر السنه لان اكيد راح تخلون بيها ملح
و تصبحون على خير
بالمناسبه اني ما احب الباجه بس نزلتها حتى نستفاد من المعلومه الطبيه
د. سيف سمير البياتي اخصائي طب الاطفال
الصوره لطبق smalahove


from د. سيف سمير البياتي

إعلان