السلام عليكم دكتور جيت اليوم للاستفسار عن حاله اولادي يعانون من الامساك و طبعا هم ثلاثه و الثلاثه يعانون من نفس المشكله 😎اولا ابني الوسط عمره سنه و شهرين دائما عنده امساك و ما يطيب أبدا كلشي حاولت وياه و كلشي سويت بس مدا يصير زين ؟ -اكله و شربه شنو ؟ 🙄هو هذا الموضوع الثاني اللي كنت ناويه اكولك عليه ابني بس يشرب حليب باكيتات و حليب اكياس و ما ياكل موتني؟ _اها و تريدين يطيب من الامساك ؟ شوفي امي أذا ما تكطعين الحليب نهائيا ما راح يطيب من الامساك و راح يبقى يعاني 🙄صدك دكتور تحجي مو الحليب بيه كالسيوم ضروري لجسمه -بس الكالسيوم موجود بكل الأوراق الخضراء و السمك المعلب و قائمه طويله عريضه من الاكلات نزلتها قبل ايام ببوست اتمنى تشوفيها 🙄الطفل الثاني عمره ٣ سنين و هم نفس الشي عنده امساك و حتى يطلع بالخروج دم و ها دكتور قبل ما تسأل هذا ما يحب الحليب و حاليا دا أعلمه ع التواليت ؟ _اختي العزيزة الامساك في هذه الفتره الانتقالية اللي هي فتره التعليم على التواليت متوقع جدا كل اللي عليك تشجعيه و تكثرين الفواكه و الخضروات اللي موجوده بالصوره جوه و راح تشوفين شون يستعدل خليه اول كم مره يكعد بالتواليت و يكمل و هو لابس حفاظ و شويه شويه يتعلم . 😏زين آخر طفل عمره شهرين و هم عنده امساك و ها دكتور هذا أرضعه طبيعي لان تابعت الصفحه مالتك و هم امساك ؟ اختي متاكده امساك؟ حليب الام اصلا مسهل للبطن و نوبات اللي يرضع طبيعيا أحيانا يصير عنده خروج متكرر إلى حد ١٢ مره باليوم و الطفل طبيعي و ما بيه شي اما اذا صار امساك فهذا لان حليبك كله ينهضم تدرين انه حليبك كله ينهضم و ما يطلع منه شي و انه اكو اطفال الى ٧ ايام و يعتبر طبيعي دام الخروج ما يسببله الم؟ 😲اي دكتور هو كل ٥ ايام تطلع و كميه كبيره و عاديه و بلا الم !!! -اذن هذا مو امساك ؛ و اتركي الطفل ما بيه شي 😥لعد شنو تعريف الامساك؟ تعريف الامساك يعتمد على صلابه و صعوبه الخروج مو على عدد المرات اكو طفل كل ٣ ايام تطلع طبيعي و اكو كل ٤ ايام تطلع طبيعية و اكو يوميه بس صلبه و قويه و احيانا مصاحبه بالدم 😘زين دكتور اذا صار بهذا ابو شهرين هيجي امساك شاسوي؟ و لا شي صعب اولا كثري المي انت و اشربي مي هوايه رضعي طفلك أكثر من قبل و اكلي ال #6p و اذا عمره فوك ٤ اشهر سويله نقيع التين او مهروس البزاليا اي اكله من الاكلات اللي موجوده بالصوره و لا تنسين التمارين راح انزلها بالتعليقات 🤔زين و اذا كان يرضع صناعي ؟ عادي حولي طفلك إلى تركيبه ترهم لمعالجه الامساك 😥 شنو رايك بالحقنه بحالات الامساك ؟ افضل استشاره الطبيب قبلها لان اكو حقن طبيه ممكن يصفها الك 😥زين دكتور اريد حليب صناعي ما يسوي امساك؟ هههههه هذه محد يكدر يتوقعها كومه من مرضايه امورهم زينه على حليب معين و يجيني طفل او اكثر عدهم امساك على نفس هذه النوعيه 🙄شكرا الك دكتور و لمعلوماتك _شكرا الك والكل المستفادين من الصفحه و لو هم شويه انانيين كاعد يأخذون المعلومه لنفسهم و حتى لا تعليق و لا كلشي و لا نشر للبوست بالكروبات و باقين على ١٥٠ الف الا شويه . . و لا تنسون المشاركه من الصفحه او نسخ الرابط في اي مكان تشاركون غير مسموح أبدا بإعاده كتابته للبوست باسماؤكم فقط شكرا الكم رابط فيديو المساج بالتعليقات و رابط اكلات ال 6P موجوده بالتعليقات د. سيف سمير البياتي اخصائي طب الأطفال

السلام عليكم دكتور جيت اليوم للاستفسار عن حاله اولادي يعانون من الامساك
و طبعا هم ثلاثه و الثلاثه يعانون من نفس المشكله
😎اولا ابني الوسط عمره سنه و شهرين دائما عنده امساك و ما يطيب أبدا كلشي حاولت وياه و كلشي سويت بس مدا يصير زين ؟
-اكله و شربه شنو ؟
🙄هو هذا الموضوع الثاني اللي كنت ناويه اكولك عليه ابني بس يشرب حليب باكيتات و حليب اكياس و ما ياكل موتني؟
_اها و تريدين يطيب من الامساك ؟
شوفي امي أذا ما تكطعين الحليب نهائيا ما راح يطيب من الامساك و راح يبقى يعاني
🙄صدك دكتور تحجي مو الحليب بيه كالسيوم ضروري لجسمه
-بس الكالسيوم موجود بكل الأوراق الخضراء و السمك المعلب و قائمه طويله عريضه من الاكلات نزلتها قبل ايام ببوست اتمنى تشوفيها
🙄الطفل الثاني عمره ٣ سنين و هم نفس الشي عنده امساك و حتى يطلع بالخروج دم و ها دكتور قبل ما تسأل هذا ما يحب الحليب و حاليا دا أعلمه ع التواليت ؟
_اختي العزيزة الامساك في هذه الفتره الانتقالية اللي هي فتره التعليم على التواليت متوقع جدا كل اللي عليك تشجعيه و تكثرين الفواكه و الخضروات اللي موجوده بالصوره جوه و راح تشوفين شون يستعدل
خليه اول كم مره يكعد بالتواليت و يكمل و هو لابس حفاظ و شويه شويه يتعلم
.
😏زين آخر طفل عمره شهرين و هم عنده امساك و ها دكتور هذا أرضعه طبيعي لان تابعت الصفحه مالتك و هم امساك ؟
اختي متاكده امساك؟
حليب الام اصلا مسهل للبطن
و نوبات اللي يرضع طبيعيا أحيانا يصير عنده خروج متكرر إلى حد ١٢ مره باليوم و الطفل طبيعي و ما بيه شي
اما اذا صار امساك فهذا لان حليبك كله ينهضم
تدرين انه حليبك كله ينهضم و ما يطلع منه شي
و انه اكو اطفال الى ٧ ايام و يعتبر طبيعي دام الخروج ما يسببله الم؟
😲اي دكتور هو كل ٥ ايام تطلع و كميه كبيره و عاديه و بلا الم !!!
-اذن هذا مو امساك ؛ و اتركي الطفل ما بيه شي
😥لعد شنو تعريف الامساك؟
تعريف الامساك يعتمد على صلابه و صعوبه الخروج مو على عدد المرات
اكو طفل كل ٣ ايام تطلع طبيعي و اكو كل ٤ ايام تطلع طبيعية و اكو يوميه بس صلبه و قويه و احيانا مصاحبه بالدم
😘زين دكتور اذا صار بهذا ابو شهرين هيجي امساك شاسوي؟
و لا شي صعب
اولا كثري المي انت و اشربي مي هوايه
رضعي طفلك أكثر من قبل
و اكلي ال #6p
و اذا عمره فوك ٤ اشهر سويله نقيع التين او مهروس البزاليا اي اكله من الاكلات اللي موجوده بالصوره و لا تنسين التمارين راح انزلها بالتعليقات
🤔زين و اذا كان يرضع صناعي ؟
عادي حولي طفلك إلى تركيبه ترهم لمعالجه الامساك
😥 شنو رايك بالحقنه بحالات الامساك ؟
افضل استشاره الطبيب قبلها لان اكو حقن طبيه ممكن يصفها الك
😥زين دكتور اريد حليب صناعي ما يسوي امساك؟
هههههه هذه محد يكدر يتوقعها كومه من مرضايه امورهم زينه على حليب معين و يجيني طفل او اكثر عدهم امساك على نفس هذه النوعيه
🙄شكرا الك دكتور و لمعلوماتك
_شكرا الك والكل المستفادين من الصفحه و لو هم شويه انانيين كاعد يأخذون المعلومه لنفسهم و حتى لا تعليق و لا كلشي و لا نشر للبوست بالكروبات و باقين على ١٥٠ الف الا شويه
.
.
و لا تنسون المشاركه من الصفحه او نسخ الرابط في اي مكان تشاركون
غير مسموح أبدا بإعاده كتابته للبوست باسماؤكم فقط
شكرا الكم
رابط فيديو المساج بالتعليقات
و رابط اكلات ال 6P موجوده بالتعليقات
د. سيف سمير البياتي
اخصائي طب الأطفال

السلام عليكم دكتور جيت اليوم للاستفسار عن حاله اولادي يعانون من الامساك و طبعا هم ثلاثه و الثلاثه يعانون من نفس المشكله 😎اولا ابني الوسط عمره سنه و شهرين دائما…