العجيب و الغريب بتركيا هو قلة عدد مرضى السكر من الاطفال
بحيث شي واحد يستغرب من هذا العدد
بحيث بالشهر الواحد عدهم استشاريتين فقط لمرضى السكري
حقيقة ما اعرف شنو السبب ١٠٠ %
بس من كعدت ويه طبيبه التغذية و دا اشوف شون و شنو اكلهم و شون يقسمون الاكل لمريض مصاب حديثا بالسكر
سالتها دكتوره و السكر للحليب ما كلتيلها لا تضيفين سكر للحليب و العصير ؟
هي انصدمت 😲 و كالت سيف انتوا تضيفون سكر للحليب او العصير ؟
تضيفون سكر للسكر ماهو الحليب بيه لاكتوز و هو سكر
و العصير بيه فركتوز و هو سكر !!!!
اني ضحكت 😁😁😁
رحت وراها ويه اطفال السكر لمخيم السكر انصدمت صدمة اخرى
كميه الخضراوات الورقية اللي ياكلوها الاطفال مو طبيعيه
كمية الخضراوات و التمارين صحية و بشكل
ممكن يكون اكلهم و نظامهم الصحي هو السبب
ممكن يكون لفيتامين دي اللي ينطوه لكل الاطفال مجانا بمراكزهم الصحية اله دور بتقليل السكر ( مثل الدراسة بالتعليقات )
اكيد ما انكر ان الجينات و الوراثة و غيرها عوامل رئيسيه بس هم خلي نسوي اللي علينا
و نغير اكلنا الى نظام اكثر صحية
و الباقي على الجينات و اللي ما نكدر نغيرها
د. سيف سمير البياتي
اخصائي طب الأطفال
