و نرجع للاكل
نوبات البعض من الأمهات بسبب الانشغال تحضر الطعام لأكثر من يوم فشنو الملاحظات اللي ننطيها الها طبيا
اللي مكتوب هنا يخص طعام الطفل اللي تحضره الام
و اللي بالصوره هو الاكل و الاطعمه بصوره عامه
١. من تحضرين الطعام لا تخليه بعد التحضير لمده أكثر من ساعتين قبل التبريد
٢. اي ماده يتركها طفلك لا تخزنيها اشمريها
٣. لا تستخدمين الملعقه اللي ياكل بيها طفلك في تفريغ الطعام لتلوثها بلعابه و اللي يشجع تكاثر البكتريا
٤. يفضل حفظ الطعام لمدة ٤٨ ساعه اي يومين في الثلاجه
٥. تأكدي انه الكهرباء ما تطفى على ثلاجتك أكثر من ٢ ساعه باليوم
٦. ممكن خزن الطعام لمده شهرين إلى ٣ اشهر بالفريزر اللي درجه حرارته صفر و اقل
و يفضل استخدامه خلال شهرين
ملاحظه : الصفحه بيها بحدود ال ٢٠ بوست عن الاطعمه و شون تبدين و شنو ممنوع و شنو المفضل للأطفال اول ما توكليهم
د. سيف سمير البياتي
اخصائي طب الأطفال
