يعني شنو حجر صحي ؟ طلعت اليوم للشارع و شفت الاجواء البغدادية اللطيفة الحجر الصحي احنا ما شايفيه قبل لا اني و لا انتوا و لا اباؤنا او ممكن اجدادنا خلينا نعرف الحجر الصحي شنو الحجر الصحي لما نكول اكعد بالبيت يعني اكعد ببيتك اللي بيه اسرتك فقط مو بيت خالتك و عمتك و اهل زوجتك . من يكولون باجر حظر تام حتى للماره مو تروح تتسوك اليوم مثل ما سويتوا قبل الحظر و عبالكم الفايروس ماخذ اوف اليوم و راح يفتر كورونا باجر الحظر هو الحظر و كل اللي اشتريتوا بعده متوفر بالسوق و نشكر مره ثانيه خليه الازمه و نشكر كل واحد ما عزل مصلحته من الخباز للبقال للقصاب للكل للكل للكل . . الحظر الصحي معناه من نطلع نطلع للضروره مو لان كيوني ضاج و رايح يفتر يم بيت جده و لا باكيت جكايرك خلص تروح تشتري هو حظر للكل مو تاخذ المدام حتى تتسوق اللي يعجبها هو حظر معناه اما انت او المدام ترحون للمول او الهايبر او البقال الحظر معناه ما تطلع الا للضروره مثلا للمستشفى و هم مو لاي سبب تروح للمستشفى مثل رايح لزياره روتينيه او زياره اطمئنان هاي ما اروحلها و لا اوصلها . الحظر معناه ابتعد عن التجمع يعني صديقك محمد مو لازم تشوفه و مو ضروريه ابدا روحه الكهوه ويه الشله ما حبكت يا حجي تطلع ويه ابو محمد و تلعب طاولي خو احنا خايفين من الكارونه عليك لو عليمن ؟ (الكارونه هو الاسم الشعبي للكورونا باعتبار نحب ندلع الامراض مثل التوفي بمكان حمى التيفوئيد و ابو … يان للجدري المائي ) المهم نكمل زيارتك لجارك تعتبر تجمع و انت ام جود بلا هالروحه لبيت ام يزن مو ضروري سلمي عليها واتس . بقالنا كم اسبوع يا جماعه الخير ارقامنا زينه وضعنا زين خوما عاجبكم نجرب وضع ايران او اسبانيا او ايطاليا ؟ . يا جماعه اعتبروه امتحان و شفنا اللي امتحنوا بيه شون طلعوا منه او بعدهم ما طالعين منه اصلا ايطاليا وفياتها اليوم قبطوا ١٠ الاف خوما عاجبكم نفس المنظر يتكرر يمنا ؟ . . التزموا لحد الان الله حامينا بعطفه و ما راح نبقى اشهر هي كم اسبوع و تفض و ان شاء الله مستورة و تعدي د. سيف سمير البياتي اخصائي طب الاطفال

يعني شنو حجر صحي ؟
طلعت اليوم للشارع و شفت الاجواء البغدادية اللطيفة
الحجر الصحي احنا ما شايفيه قبل
لا اني و لا انتوا و لا اباؤنا او ممكن اجدادنا
خلينا نعرف الحجر الصحي شنو
الحجر الصحي لما نكول اكعد بالبيت يعني اكعد ببيتك اللي بيه اسرتك فقط مو بيت خالتك و عمتك و اهل زوجتك
.
من يكولون باجر حظر تام حتى للماره
مو تروح تتسوك اليوم مثل ما سويتوا قبل الحظر و عبالكم الفايروس ماخذ اوف اليوم و راح يفتر كورونا باجر
الحظر هو الحظر
و كل اللي اشتريتوا بعده متوفر بالسوق
و نشكر مره ثانيه خليه الازمه
و نشكر كل واحد ما عزل مصلحته
من الخباز للبقال للقصاب للكل للكل للكل
.
.
الحظر الصحي معناه من نطلع نطلع للضروره مو لان كيوني ضاج و رايح يفتر يم بيت جده و لا باكيت جكايرك خلص تروح تشتري
هو حظر للكل مو تاخذ المدام حتى تتسوق اللي يعجبها
هو حظر معناه اما انت او المدام ترحون للمول او الهايبر او البقال
الحظر معناه ما تطلع الا للضروره مثلا للمستشفى و هم مو لاي سبب تروح للمستشفى مثل رايح لزياره روتينيه او زياره اطمئنان هاي ما اروحلها و لا اوصلها
.
الحظر معناه ابتعد عن التجمع يعني صديقك محمد مو لازم تشوفه و مو ضروريه ابدا روحه الكهوه ويه الشله
ما حبكت يا حجي تطلع ويه ابو محمد و تلعب طاولي
خو احنا خايفين من الكارونه عليك لو عليمن ؟
(الكارونه هو الاسم الشعبي للكورونا باعتبار نحب ندلع الامراض
مثل التوفي بمكان حمى التيفوئيد
و ابو … يان للجدري المائي )
المهم نكمل
زيارتك لجارك تعتبر تجمع
و انت ام جود بلا هالروحه لبيت ام يزن مو ضروري سلمي عليها واتس
.
بقالنا كم اسبوع يا جماعه الخير
ارقامنا زينه
وضعنا زين
خوما عاجبكم نجرب وضع ايران او اسبانيا او ايطاليا ؟
.
يا جماعه اعتبروه امتحان و شفنا اللي امتحنوا بيه شون طلعوا منه او بعدهم ما طالعين منه اصلا
ايطاليا وفياتها اليوم قبطوا ١٠ الاف
خوما عاجبكم نفس المنظر يتكرر يمنا ؟
.
.
التزموا لحد الان الله حامينا بعطفه و ما راح نبقى اشهر هي كم اسبوع و تفض و ان شاء الله مستورة و تعدي
د. سيف سمير البياتي
اخصائي طب الاطفال

يعني شنو حجر صحي ؟ طلعت اليوم للشارع و شفت الاجواء البغدادية اللطيفة الحجر الصحي احنا ما شايفيه قبل لا اني و لا انتوا و لا اباؤنا او ممكن اجدادنا خلينا نعرف الح…