رمضان كريم
شويه نسهل رمضان على الامهات اللي يرضعون طبيعي
الصيام صعب على الامهات اللي اطفالهم اعمارهم تحت ٦ اشهر لان الطفل ما ياكل هوايه
اول شي اذا ترضعين طبيعي و توكلين طفلك
خلي الاكل الصبح بوقت الصيام و الرضاعه باليل
اذا كنت ترضعين صناعي و طبيعي ( ولو ما افضل تنطين صناعي ويه الطبيعي ) فخلي الرضاعة الصناعي بالليل
ثاني شي بالايام اللي جايه قبل رمضان كملي الشغلات الثكيله من شغلك من رفع الزوالي و غيرها
ثالث شي ما يحتاج اوصيك بشرب السوائل اللي هي اكيد خاليه من السكر لان جدا تعزز العطش
اخاف ما تعرفين انه البيبسي و الشاي و القهوه مدره للادرار فبالتالي تعطشين اكثر فتجنبيها
اكلك خليه الياف و سوائل و منو يمتلك هذه الخاصيه؟
الرقي طبعا و الخيار و الخوخ
لا تنسين العصائر فقط الطبيعي الغير مضاف الها سكر لان السكر يعطشك اكثر
من اكولك السكر يعطش اكثر يعني حاولي بلا حلويات و زنود ست و بقلاوة و زلابيه و عوامات و هم علمود لا يخرب الريجيم اللي هو من هسه اصلا خربان 😏🤣
الملح نفس السكر
اكيد ما اكولك خلي الاكل فاهي
بس لا تبالغين
حتى لا تعطشين
نفس الشي الطرشي جدا يعطش هو و الزيتون
كل الشغل اللي تؤديه الصبح اذا بيها مجال يتاجل اجليه قابل شراح يصير ؟
اصلا منظر القلب اللي ينرسم على التراب اللي على الميز و الطبلات كلش حلو و استمري
اكلي الاكلات اللي تزود الحليب و من اهمها السمسم و البطيخ و الشوفان و موجود بوست كامل عن الاكلات اللي تزيد الحليب بالصفحة و لا تنسين اللبن رهيب بس ارجع و اكول بلا ملح
كملي رضاعه طبيعيه ابنك يستحق
د. سيف سمير البياتي
اخصائي طب الاطفال
#رمضان_كريم
هاشتاك خاص بكل بوستات رمضان في الصفحه
