لكل ام جديده او راح تصير ام و راح ترضع طبيعي
هاك هاي كم نقطه راح تواجهيها حتى تتحضرين زين و ما تنصدمين
١. الرضاعه الطبيعيه عند الحاجه ما عليك باللي يكولك الرضاعه كل ساعتين و مدري شكد الا اذا طبيب كالك
و هاي اني الطبيب اكولك الرضاعه عند الحاجه كلما يجوع
٢. تحضري للكثير الكثير و الكثير من الرضاعه
حليبك بسرعه ينهضم فما يطول هوايه فيجوع هوايه
٣. تحضري للرضاعه بالمطعم بالشارع بالمطبخ بالصاله بكل مكان و بكل زمان
٤. تعرفين شنو يسمون حليب الام بالخارج ؟
يسموه الذهب السائل
Liquid gold
لان القطره منه تعادل الذهب
حليبك يساوي الذهب لا تستهونين كل قطره
٥. رغم التعب و رغم الارهاق راح تحبين موضوع الرضاعه الطبيعيه و ما تردين تخلصين المهمه و تردين تستمرين بالارضاع و ما تفطميه
انت فقط كوني مستعده
د. سيف سمير البياتي
اخصائي طب الاطفال
